Leita í fréttum mbl.is

Lélegur endasprettur...

Davíð er frábær ræðumaður; þetta þekkja Íslendingar og þá sérílagi þau okkar sem höfum notið þeirrar gæfu að vinna í Sjálfstæðisflokknum.

Ég á ýmsar minningar af Davíð í ham, sú fyrsta er að mig minnir frá SUS þingi vestur á Ísafirði, fyrir kannski 30 árum. Sviðið var efrihæð Landsbankahússins, þar sat Davíð á stól í miðju herbergi og pundaði á Gunnars-menn. Þeir sem reyndu að munnhöggvast við hann, tja þeir gerðu mistök. Ræða hans í dag fékk mig til þess að rifja upp þennan atburð - ég glotti við tönn þegar ég hugsa um hann, einkar skemmtileg minning.

Maðurinn var og er snillingur, þannig er það nú bara.

Í dag var ræða hans hreint meiriháttar, nánast hnökralaus, þar til að kom að þætti Villa og endurreisnarskýrslunnar. Ég get vel verið sammála Davíð; endurreisnarplaggið er um margt veikt. En að ráðast á Villa og um leið allan þann skara fólks sem tók þátt í starfinu með þeim hætti sem hann gerði er ákaflega dapurt. Þetta var lélegur endasprettur hjá Davíð.

En meira af depurð. Dapurt var hvernig RÚV sagði frá landsfundinum í fréttatíma sjónvarps áðan, fókusinn var á þessar tvær eða þrjár setningar úr ræðu Davíðs, vissulega voru þær fréttamatur en margt annað fréttnæmara var að finna í henni. t.a.m. hugmyndir Samspillingarinnar um dreifða eignaraðild bankanna á sínum tíma. Samfylkingin var algjörlega á móti hugmyndum Davíðs og Sjálfstæðisflokksins um dreifða eignaraðild - en þær hugmyndir gegnu út á að engin einn aðili mætti eiga meira en 3 - 8% í banka.

Annars er það að segja af landsfundinum að þar ríkir góð stemmning og hefur málefnastarfið gengið í samræmi við það - það er gengið hreint til verks. Kannski full hreint í tilfelli Davíðs.

Ekki er nokkur spurning að það verður öflugri Sjálfstæðisflokkur sem dembir sér í kosningabaráttuna - gríðarlega öflugur.


mbl.is Vilhjálmur: Ómakleg ummæli
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Það er margt hægt að grípa í sér til handargagns ef nauðsyn ber. Þú grípur ekki klósettpappírsrúllu ef þú þarft að rota uxa !

Sambærilegt: að Samfylkingin hafi eitthvað haft að segja um einkavæðingu bankanna ? Samfylkingin var í STJÓRNARANDSTÖÐU þegar einkavæðingin fór fram og það var meistar Davíð Oddsson sem réði öllu hvernig einkavæðingin var framkvæmd.

Rétt er að benda þér vinsamlega á að það er þér ekki til sóma að nota orðskrýpi þegar maður ræðir um andstæðing sinn í pólitík

Guðmundur Þór Kristjánsson (IP-tala skráð) 28.3.2009 kl. 21:21

2 Smámynd: Viggó H. Viggósson

Guðmundur: þú ert ekki að ná þessu með Samspillinguna og afstöðuna til dreifðar eignaraðildar. Sjálfstæðisflokkurinn gengur hreint til verks og hefur viðurkennt mistök sín í þessu efni, það hef Samspillingin ekki gert. Þar á bæ vilja menn ekki kannast við eitt né neitt.

Ef orðskrípið er "Samspillingin" þá verður þú að læra að brosa. Í ljósi þess að Samfylkingin var í bullandi vinnu fyrir útrásarvíkinganna steinliggur orðið eða orðskrípið "Samspilling". 

Viggó H. Viggósson, 28.3.2009 kl. 21:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Viggó H. Viggósson
Viggó H. Viggósson

Terroristi (þ.e. Íslendingur)
Que Sera, Sera!

Tónlistarspilari

Doris Day - Whatever Will Be Will Be (Que Sera Sera)

Nota bene

Telja

Innskráning

Ath. Vinsamlegast kveikið á Javascript til að hefja innskráningu.

Hafðu samband