Græn orka

Við eigum ríkulegar auðlindir; það heyrðum við endurtekið margsinnis úr ræðustóli Alþingis í gær - vissum það svo sem vel fyrir. Þær liggja í fólki, lömbum, fiskum, vatni, víðerni og orku - sjálfbærni er lykilorðið hér.

Við erum stolt af þessum auðlindum okkar og bærilega stolt yfir því hvernig við nýtum þær. Erum stöðugt að gera betur í þeim efnum.

Teljum við.

Það er ekkert ljótt sem heitir; við þurfum að setja fullan þunga í rannsóknir og framþróun á nýtingu jarðvarma til framleiðslu á raforku. Við eigum að laða að okkur umtalsverðar upphæðir frá erlendum fjárfestum og vísindasjóðum, stærðagráðan - tugir milljarða.

Klárlega hjálpar slík áætlun ekki núna, nema sem jákvæður punktur í framtíðinni. En við þurfum slíka punkta.

Heilan helling af þeim.

Í forskoti á nýtingu jarðvarma liggja gríðarleg verðmæti, þessu forskoti megum við ekki glutra niður. Víða um heim er unnið að þessum málum, við Íslendingar höfum eitthvað komið að slíkum málum en ég veit ekki í hvaða formi.  Vonandi erum við ekki að gefa af okkur grunnþekkingu, þannig að þeir sem gjöfina þiggja geti notað þekkingu "okkar" sem stökkbretti - sem síðan yrði notað til þess að stökkva yfir okkur.

Stinga okkur af. 

Myndbandið hér að neðan fjallar um jarðvarmavirki í tengslum við djúpboranir á "köldum" svæðum. Er þetta ekki eitthvað sem við ættum að vera best í?

  

Engin hætta á olíukreppu

Mannauður

Hvað það væri nú gott ef þjóðin myndi njóta liðsinnis stjórnenda og efnahagsráðgjafa með greindarvísitölu sem væri í sæmilegum takti við gengisvístöluna núna.

 

Gengisvísitalan yfir 200 stig

Fall eftir svall

Hugsanir tengdar Glitnismálinu, enn ómótaðar... 

fall
eftir
svall

markaðir hrynja
af fólki aurar eru slitnir
áföll yfir dynja
hvar er Glitnir

kominn að þrotum
skoðun skipt
tekinn í brotum
eða óskipt

girnast
gremjast
gjamma
gamna

mótherjar
meðeigendur
miðlar
misvitrir

er það ekki nauta
að svara
eða á þeim fé að færa til þrauta
og vara

túkall
eftir
veðfall
Stoðir styrkar ey meir

 

 

Sameining Glitnis og Landsbanka ólíkleg

Veldur sá er á heldur

Talsmaður OR leggur en í afsökunarsarpinn, nú svínga þeir OR menn inn að hækkunin sé líka tilkomin vegna viðhaldsverkefna (ekki bara uppbyggingar). Þessi málflutningur er jafn öfugsnúinn eftir sem áður.

Dæmi: Bónus opnar nýja sjoppu á Skaganum við það hækkar vöruverð í öllum verslunum Bónus. Í ofanálag dettur þeim Bónusmönnum í hug að dytta svolítið að nokkrum gamalgrónum verslunum, sú aðgerð eykur auðvita enn á þrýstinginn á verðhækkanir.

Þeir hækka, en ekki hvað? 

Skýringar OR eru tilbúningur. Að sjálfsögðu er í verðstrúktúr OR gert ráð fyrir bæði rekstri og viðhaldi allra kerfa stofnunarinnar, í þessum sama strúktúr er líka gert ráð fyrir því að byggja þurfi upp og já skila eigendum góðum arði.

Rétt er það OR vantar meira fé, það þarf að borga niður afskaplega slæma fortíð.

OR vantar meira fé

Öfugsnúið

Þær eru ömurlegar skýringar OR á gjaldskrárhækkun stofnunarinnar. Það er eitthvað verulega rangt við hugmyndina alla.

Jú við þurfum að hækka um nokkur prósent vegna þess að það hefur verið svo gríðarleg uppbygging! M.ö.o. það hefur verið bullandi bísness og þá þarf að hækka verð þjónustunnar. Sumsé því meiri viðskipti því hærra verð. Og já, ekki bara á nýja viðskiptavini (nýja kostnaðarliði ef jafnan er rétt skilin) heldur allt heila pakkið.

Eigum við að skilja það svo að uppbygging vegna nýrra íbúa á höfuðborgarsvæðinu kosti svo mikið að allir viðskiptavinir OR þurfi að greiða 10% meira - hættu nú alveg.

Eru nýju pípurnar úr eðalmálmum, eða hvað? (Myndin hér að ofan gæti verið af starfsmönnum OR að fagna því þegar fyrstu metrarnir af nýju gull rörunum voru komnir á sinn stað) 

Hvað varð um hagkvæmi stærðarinnar - meira fyrir minna.

Í ofanálag er svo tímasetningin tragikómísk, tja eða er hún kannski bara tragísk. 

Nú þrengir að hjá heimilunum, þau eru þanin - sum hver til hins ýtrasta. Á þessum tímum hefði maður haldið að stærsta og "öflugasta" stofnun borgarinnar gæti haldið aftur af sér. Ó seisei nei.

Mikið djöfull er þetta ræfilslegur bísness og andskoti eru það aumir bísnessmenn sem þarna halda um taumana.

Er taumleysi kannski vandamálið.

Maður veltir því fyrir sér hvort að óráðsían og bullið frá R-lista tímanum, ss. bygging sæmilegustu skrifstofuaðstöðu og þátttaka í allskonar óhagkvæmu eldi (lína.net, rækjur), sé nú að koma fram að fullum þunga. Væntanlega hafa nýlegar fárfestingar í öðrum félögum ekki minnkað auraþörfina, menn sóttu aurinn auðvita í erlend lán.

Hagstæð lán. 

Það er ekki að sjá að þarna sé verið að vinna fyrir okkur - eigendur búllunnar.

PS. Mér lýst allt í einu ekkert á rafmangsvæðingu bílaflotans, mér sýnist að rafmagnið muni við aukna sölu hækka um einhverja tugi prósenta.

 

Bæjarráð Kópavogs mótmælir gjaldskrárhækkun OR

Sleggjudómar

Hér eru menn of fljótir á sér, alltof fljótir. Ég veit ekki betur en það eigi eftir að telja úr kössum „okkar manna” í Liechtenstein. Nú ef ekki dugir að telja þar til þess að koma sæmilegu skikki á þessa stöðu, þá er nú ekki langt að skjótast til Lúx eða Sviss.

Svo gæti ég vel ímyndað mér að ef jafnframt yrði talið t.d. á Cayman og BVI þá værum við búin að loka þessu gati.

Mín tillaga er að fólk verði alveg pollróleg yfir þessu, enda þetta ekkert til að hafa áhyggjur af.

Hérna fyrir neðan er myndband sem sýnir dæmigert innihald eins af þessum kössum sem ég er að tala um - í þessu tilfelli er um stóran kassa að ræða. Mjög stóran.

Áfram veginn...

 

Útrás tekin að láni

Óþekktarangi svarar fyrir sig

Mér fannst skrýtið þegar ég fyrst sá frétt um þennan „litla bankamann” þeirra í Liechtenstein að  yfirvöld í Þýskalandi skyldu gefa út að þau hefðu í raun nálgast þessar upplýsingar með ólöglegum leiðum.

Svo les ég að Þýsk yfirvöld séu iðin við kolan; sýnist helst að runnið sé á þau kaupæði. Þetta las ég á Spiegel:

February 28, 2008

Police in the north German city of Bremen have been paying informants in drugs. The practice may have helped fight drug crime but was itself illegal -- six officers are now under investigation.

If you want information out of someone, then it makes sense to give them something they really want in return.

Lille bankamann hefur væntanlega langað í fullt af peningum „in return”. 

Og fengið.

Reyndar er það nú svo að þarna í Bremen eru menn óskaplega ósáttir við þetta og má búast við því að rannsóknarlögreglumennirnir sem stóðu að þessu verði flengdir. Harkalega.

Ókey það má ekki greiða fyrir dópupplýsingar með dópi, en peningar eru í góðu lagi? Eða hvað? Hvað finnst fólki; er í lagi að ná í upplýsingar með þessum hætti? Má greiða með peningum fyrir peningaupplýsingar? Er það kannski bara í lagi ef valdstjórnin á í hlut? Rýrnar gildi upplýsinga ekki við það að þeirra skuli aflað með „ólöglegum” hætti? En siðlausum? Má kannski bara „allt” þegar við erum að eltast við vonda liðið?

Sjálfur er ég á því að þetta sé í lagi þegar tilefni er til. Svo er bara eftir að skilgreina hvað er tilefni!

Vondi karlinn er jú alltaf vondi karlinn! 

Liechtensetin menn eru samt að gera fína hluti með því að snúa vörn í sókn; ég skil vel afstöðu þeirra. Þeir hafa hagsmuna að gæta, hafa gefið sig út fyrri að vara óþekktarangi þegar kemur að upplýsingagjöf banka. Það hefur gefið vel fyrir þá.

Fram að þessu, þá.

Leitað að bankaupplýsingaþjófi

Sjálfstæði þjóðar

Ég velti því fyrir mér þegar Kosovo lýsti yfir sjálfstæði sínu, fyrir 10 dögum eða svo hvað við ættum að gera í stöðunni. Komst ekki að niðurstöðu þá og er svo sem litlu nær í dag, hef ekki verið velt þessu máli fyrir mér frekar en ég gerði þá.

Hallast að því að mér finnst að okkar fólk þurfi að hugsa þetta í þaula. Ekki aðeins vegna þess að við erum að sækjast eftir sæti í Öryggisráðinu, heldur og frekar vegna þess að það er langt frá því að vera sjálfsagt mál að samþykkja það að hluti þjóðar ákveði „sisvona” að segja hasta la vista...

Nú hefur okkar fólk lokið sinni hugsun; þau voru svo heppin að finna sérstöðu í málinu, þannig að hvað sem við gerum í þessu máli á ekki að hafa áhrif á önnur mál - málið er sum sé ekki fordæmisgefandi? Er það víst? En hvað um það; niðurstaðan er að viðurkenna sjálfstæði Kosovo.

Hérna er það sem ég skrifaði um daginn: Kosovo og sagan af landinu bláa

Íslendingar ætla að viðurkenna sjálfstæði Kosovo

Var með þetta á heilanum

Eftir að ég hafði lesið þessa frétt um hanna Jennifer kom ákveðin mynd upp í hugann á mér og má segja að ég hafi verið með hana á heilanum. Dreif því í að finna þessa ákveðnu mynd sem tókst og sjá má hér að neðan. Ekki veit ég af hverju þessi mynd leitaði á mig, kannski að það sé fagur barmur Jennifer sem kallar fram þessi viðbrögð mín - ég minnist reyndar ekki að hafa séð hana Jennifer á Evuklæðunum - sem er synd.

En kannski er það - og hallast ég frekar að því - sagan á bakið þessa mynd; úr hverju þessar fögru ávölu línur eru myndaðar. 

Veist þú það eða vilt þú giska? Skjótu þá á mig línu (með ath.semdakerfinu). Vegleg verðlaun eru í boði.

Ekkert kynlíf í hálft ár

Obama Bollywood stæl

Nú hafa þeir sett Obama í Bollywood gleði, sem er auðvita

gargarinn gey

Mynd af Obama veldur uppnámi