Sagði ég ekki!

Sagði ég ekki, get ég sagt en ég hef haft þá einföldu skoðun að nánast allt pilluát sé vont. Hvað fjörefni varðar þá eigum við einfaldlega að fá þau úr fæðunni. Ég reyni nú samt að taka lýsi reglulega og þar sem ég er óttaleg tepra þá kýs ég að taka það í pilluformi. Er eiginlega af-því-bara handviss um að það gildi eitthvað allt annað um blessað lýsið en aðrar vítamínpillur svo ekki sé talað um  alskonar önnur bætiefni, jamm lýsið á að taka sérstaklega - það er einstakt.

Nú er bara að vona að þeim hjá Lýsi hf. takist sem allra fyrst að sanna að þessi af-því-bara kenning mín sé í raun vísindalega sönnuð staðreynd (ef það hefur ekki þegar gert). 

Annars mun ég hætta að taka lýsi. 

Fjörefnin banvæn?

Athugasemdir

[Sigurður J. (IP-tala skráð) 6.3.2007 kl. 15:28]

Skv. fréttinni, sem er afar loðin og segir í raun ekkert sem hendi er á festandi, þá er lýsi, sem ríkt er af A-vítamíni (ca 15% RDS í hverri perlu) stórhættulegt.  

Þessi frétt er dæmi um blaðamennsku, þar sem ekkert gagnlegt kemur fram, bara ógnvekjandi fyrirsögn sem fær þig til að hrökkva í kút og lesa.   Síðan er innihald fréttarinnar verra en ekkert.

[Anna Benkovic Mikaelsdóttir, 6.3.2007 kl. 17:41]

Ég tek líka Lýsi í belgjum...bara til að fara ekki á mis við allar þessar hollu omega3!!