Atburðastjórnun ...

Nú finnst mér eins og að mitt fólk í Valhöll sé ekki alvega að standa sig. Ljóst er að atburðastjórnun er ekki okkar besti tebolli - tja alltjent ekki þessi misserin. 

Það eru meiri líkur en minni á því að fréttamaður sem hefur ekkert að segja í beinni útsendingu frá „meintum” pólitískum atburði og þarf að láta dæluna ganga til þess að teygja lopann verði hættulegur fréttamaður. Þessa fullyrðingu má flokka með staðreyndum. Sérstaklega á þetta svo auðvita við þegar verið er að eiga við mál af því tagi sem hér um ræðir.

Það þarf enga spunameistara til þess að átta sig á þessu, þokkalega iðin lærlingur í faginu myndi duga til. Ætli þetta sé ekki kennt í áfanga 101.

Tíminn vinnur ekki með okkur í þessu máli, en það er óþarfi að einföld atriði eins og tímasetningar fréttamannafunda vinna á móti okkur ofan á allt. Í þessu tilfelli hefði t.d. verið betra að klára málin og boða síðan til fundar. Við eigum að stjórna klukku útsendingarstjórans en ekki öfugt.

Við þessar aðstæður fara fréttamenn að ræða málin, spá og spekúlera óundirbúið. Það er aðeins best þjálfaða fólkið úr þessari stétt sem þolir slíkt án þess að detta í ruglið. Því meira sem sagt er því meira er bullað.

Broslegt er svo hvað geðshræring fjölmiðlafólksins er mikil yfir því að fundurinn skuli hafa verið fluttur úr stað.

--- uppfærsla --- enn klúðrum við með kjánalegum tilburðum við stýringu fundarins.  

Sjálfstæðismenn enn á fundi