Jón Baldvin: þvælir og þvælir og þvælist fyrir uppbyggjandi umræðu.

Jón Baldvin er duglegur, hann er að ég held að ná að sannfæra fjöldann um að ef hann hefði nú verið með í ráðum þá værum við sko í svaka fínum málum. Hann er í ef og hefi pakkanum og auðvita í Davíðs Oddsonar pakkanum líka.

Ef menn vilja vera í einfaldri eftirá speki, þá dettur mér í hug þetta innlegg:

• EES var grunnurinn sem bankarnir byggðu á, gerði útrás þeirra mögulega. Það var því ekki frjálshyggjan sem kom þessu fyrirkomulagi á. JB talar eins og margir um nýfrjálshyggju sem kannski eitthvað annað en ég hef í hug - en ég held þó ekki.
• Regluverkið hér er frá ESB komið.
• Seðlabankinn starfar skv. lögum (en ekki óskum DO).
• Það er ekkert sem segir (eftir þennan skell) að krónan sé ónýt. Vissulega höfum við nú sannreynt (en það var víst vitað) að krónan á erfitt með að bera fjármálakerfi hvers umfang er fjórtánföld þjóðarframleiðsla.
• Í regluverkinu stóð ekkert í vegi fyrir því að erlendir bankar hæfu hér starfsemi og tæplega var það frjálhyggjunni að kenna.

Jón Baldvin: Seðlabankastjóri þvælist fyrir á strandstaðnum

Athugasemdir

[Jón Ingi Cæsarsson, 19.10.2008 kl. 15:40]

Viggó.... skefið sem varð að stíga var ekki stigið. Við áttum að halda þessu ferli áfram og fara í ESB.

Þar með hefðum við komist í umhverfi sem leyfir ekki svona hluti og auk þess hefðum við orðið hlut af mynntbandalagi Evrópu með evru sem gjaldmiðil í dag.

M.a sprakk á þessu þegar Alþýðuflokkur og Sjálfstæðisflokkur hættu samstarfi 1995 og Davíð gerði bandalag við Framsókn um það framhald sem við nú sjáum....

Grein þín er allt að því sögufölsun.

[Þorsteinn Ásgeirsson (Icerock), 19.10.2008 kl. 15:59]

Sennilega rétt hjá Jóni Inga

[Viggó H. Viggósson, 19.10.2008 kl. 16:00]

JIC: jamm jamm - ef og hefði. En í hverju liggur svo þessi "allt að því sögufölsun" mín?

[Jón Ingi Cæsarsson, 19.10.2008 kl. 17:19]

Með því að að halda því fram aðJón Baldvin beri á því ábyrgð að EES samingnum og hann hafi skapað þetta ástand... EES samingurinn opnaði á ýmislegt...td tollfríðindi.. En Jón Baldvin vildi alla leið því hann veit eins og þeir sem hafa kynnt sér þessi mál að EES samingurinn er ekki sú trygging sem við þurfum til að mæta þessu frelsi... EES var áfangi en ESB áfangastaður... það stoppaði Davíð. Þessi sleppir þú og það er jafn mikil sögufölsun að segja hálfsannleika eins og að skrökva

[Viggó H. Viggósson, 19.10.2008 kl. 21:36]

JIC, þú áttar þig vonandi á því að ég er ekki söguritari. 

Er ég sögufalsari ef ég tek ekki þátt í "ef og hefði" leik stjórnmálamanns á eftirlaunum?

En okey, ég er sumsé sögufalsari ef ég segi ekki sögur af draumum JB. Á ég að kunna á þeim skil?

Æi þarf ég nokkuð að kaupa þetta - að taka þessu alvarlega!

[G. Tómas Gunnarsson, 19.10.2008 kl. 23:57]

Jón Baldvin er þessi týpíski "sændbæta" pólítíkus.

Hann kom og sagði okkur að við hefðum fengið allt fyrir ekkert, þegar hann var að selja EES samninginn.  Núna heitir það að við þurfum að ganga í ESB til að endurheimta fullveldið sem er að hluta glatað.  Hvenær glataðist það?  Jú, við EES samninginn segir hann (og fleiri).

"Frjálshyggjan" er eitthvað óútskýrt (en slæmt) sem á (ásamt Davíð) sök á öllu sem aflaga hefur farið.

Hvað varðar bankana er að ég best veit regluverkið svipað og í öðrum löndum EES, enda fjórfrelsið eitt af mikilvægustu stoðunum, þar á meðal frjálsir fjármagnsflutningar.

Það er hálf sorglegt að horfa á spyril eins og Egil á móti Jóni, spyrill sem aðeins getur sagt já, og einmitt.