Ég á Netinu

16.1.2009

Herrakvöld og konuvöld

Árstíðin sem senn fer í hönd, Þorrinn, er í mínum huga tíða karlmannlegust. Ég veit ekki af hverju mér finnst þetta; heiti fyrsta dags Þorra, bóndadagur, er hér hugsanlegur áhrifavaldur. En kannski er það vegna þess að mér finnst karlmannlegt, alltént umfram kvenlegt, að menn á Þorrablótum slafri í sig óþvera og drekki með brennivín og öl, segi sögur, kveði eða mikli sig með öðrum hætti.

Á Þorra hefur líka orðið til sá góði siður að stía kynjunum í sundur; smala saman vænum hópi karla á blót og eru samkomur af því tagi nefndar Herrakvöld, Greifakvöld eða viðlíka og konurnar eru þá með sín Konukvöld. Mest slíkra karllægra samkomna hefur til margra ára verið haldin í Árbænum, vitaskuld vísa ég hér til Herrakvölds Fylkis sem ávalt fer fram á fyrsta degi Þorra (föstudagur í þrettándu viku vetrar - 18-24 jan.). Herrakvöld Fylkis ber höfuð og herðar yfir sambærilegar samkomur annarstaðar á landinu - raunar svo að orðið "sambærilegar" er ákaflega óheppileg í þessu samhengi - skiptir þá ekki máli hvort menn telji heila eða hálfa hausa, hlátrasköll, hammarshögg eða önnur heljarstök skemmtileg.

Bóndadagur er þannig nánast heilagur fyrir okkur marga íbúa (og brottflutta) í Sigurhæðum. Ég hvet þá sem hafa áhuga á að kynna sér málið nánar að smella á myndina hér uppi (ef smellt er á myndina í þrígang ætti hún að vera orðin nægilega stór svo að miðaldra og eldri ættu að geta lesið textann).

Sjáumst hressir!

Hér eru tvö myndbönd sem mér finnst tengjast þessu með einhverjum hætti:

Flokkur: Dægurmál | Breytt s.d. kl. 18:24 | Facebook

Athugasemdir

Skemmtilegur pistill félagi, já, bara fjandi skemmtilegur og vakti hjá mér löngun mikla til að mæta á staðinn :) Það vill þó svo til að ég ætla að sækja samskonar hátíð alla leið austur á Reyðarfjörð, á æskuslóðirnar þar sem ég mun slafra í mig ýmsan óþvera og renna honum niður með brennivíni og öli.

Góða skemmtun í Sigurhæðum og kannski ég skelli mér á einn Fylkisleik í sumar svo ég geti mætt næst án þess þess að hiksta á spurningu þess efnis hver litur Fylkisbúningsins er