Missir vina

Þau hjón, vinir mínir, eiga þetta ekki skilið, en samt! En samt! Öfugsnúið sem það kann að hljóma. Það liggur við að ég hlægi yfir þessum tíðindum, en það er væntanlega ekki í boði, ekki svona opinberlega - þætti ekki við hæfi; yrði líkast til túlkað sem dónaskapur og algjört virðingarleysi við fólk í vondri stöðu. 

En samt segi ég samt!

Besta fólkið á ekkert að vera að stússast fyrir villumenn.

En samt, samt verður þeirra sárt saknað.

Missir vina:
Stakkurinn of þröngur
vansniðinn að auki
spennitreyja í reynd

hvar er ykkar missir?

þið vitið hvað þið eigið
ætt og vini
ykkur sjálf
þarna er ykkar auður

Frjáls undan oki auðjöfra

Athugasemdir

[Guðbjörg Elín Heiðarsdóttir, 22.1.2009 kl. 13:18]

Viggó ég varð undrandi á að lesa þessa frétt um uppsögn þeirra hjóna Sigmundar Ernis og Elínar hjá Stöð 2. Enginn veit hvað átt hefur fyrr en misst hefur, þá er ég að beina þessu til Stöðvar 2. Fréttastöð Stöðvar 2 er að ''reka'' frá sér frábæran og góðan fréttaþul og sjónvarpsmann sem Sigmundur Ernir ER.

[Viggó H. Viggósson, 22.1.2009 kl. 13:26]

Ég hef ekkert misst, er því sæmilega sáttur. Sem fyrr veit ég að ég á mína vini, kannski að ég eigi þá aðeins meir; eftir en áður. Sjálfelskan og eigingirnin er mig að kæfa. En jú það er svo sannarlega rétt hjá þér að meintur missir vina minna er missir þjóðarinar sem þau hafa þjónað svo dyggilega.