Vinstri villa #6 – Óstöðugleiki!

Óstöðugleiki mun fylgja vinstristjórn. Fyrir því eru fjölmargar ástæður, sagan hefur m.a. sýnt að glundroði er fylgifiskur vinstristjórna. En hér læt ég nægja að benda á það hvernig vinstra liðið talar. Út og suður á vel við, þau tala nefnilega út og suður í flestum málum. Eins koma stöðugt frá þeim ótrúlegustu yfirlýsingar, fljótfærnilegar kannski, en sýna glögglega hvað þau eru að hugsa. Þetta eru hugsanir sem kjósendur ættu að gefa gaum – og fólk ætti að taka mark á.

Málið er að vinstra liðið þarf að sýna þvílíkar kúnstir í jafnvægislist til þess að halda út í nánast hverju einasta máli. Þetta mun þeim aldrei takast. Til þess skortir þau þrek. Því má fullyrði að stjórn þessa liðs mun ekki endast árið. Upplausnar og sundrungar mun gæta fljótlega - sennilega strax í stjórnarmyndun en við fáum væntanlega ekki að frétta af því.

Áfram veginn … til stöðugleika frá glundroða!

---o0o---
Blogghöfundur er hægrimaður sem finnur sig eiga mesta samlegð með Sjálfstæðisflokknum af þeim flokkum sem starfa á Íslandi. Þannig hefur það alltaf verið! Ég trúi ekki á lauslætið sem felst í kosningarbandalögum, sem verða til vegna einstakra atburða eða aðstæðna; gjarnan 15 mínútum fyrir kosningar. Ekki trúi ég á persónukjör, en tel að skoða mætti einmenningskjördæmi - eða aðrar leiðir til jöfnunar á vægi atkvæða. Vildi sjá flokkinn minn færa sig til hægri - standa þar fast í fæturna. Er eindreginn stuðningsmaður þess að við sækjum um aðild að EU. Hef ekki tekið afstöðu til upptöku evru; tel það ekki koma að sök þar sem evran hefur ekkert með okkur að gera í það minnsta næsta kjörtímabilið. Ég geri kröfu um réttlátt uppgjör á "hruninu", mér dugir ekki að fólki verði gert mögulegt að tóra. Tryggja verður gegnsæi í stjórnsýslunni, gefa þannig gott fordæmi út í þjóðfélagið. Ákvarðanir og athafnir sem teknar eru eða framkvæmdar eru í nafni fjöldans eiga að vera fjöldanum kunnar. Hef fulla trú á krónunni og edrú hagstjórn. Verðtrygging verður að hverfa út úr íslensku efnahagslífi (afturvirkt). Skynsamlegt nýting auðlinda er forsenda velmegunar. Velmegun er forsenda velferðar þjóðarinnar.

---o0o---

 

Tilhæfulaust að ríkið taki Icelandair yfir

Athugasemdir

[Helgi Kr. Sigmundsson, 24.4.2009 kl. 00:08]

Málflutningur VG er vægast sagt óskýr á köflum.  Einhvern veginn skýtur orðið hringlandaháttur upp kollinum...

Ég vil samt vara kjósendur við því að treysta á það að stjórn VG og Sf muni bara sitja í stuttan tíma.  Við skulum muna að umboðið sem alþingismenn sækja sér í kosningum nær til 4 ára og við getum alls ekki treyst því að við fáum að ganga aftur til kosninga eftir 1-2 ár.

Það er mikilvægast að kjósa eftir sannfæringu sinni og trú um hvernig framtíð við viljum byggja okkur hér á Íslandi.