Pólitísk dagsskrá fræðimanns

Íslenska ríkið, þjóðarskútan er ekki að sökkva eða hvað? Er prófessorinn virkilega að halda því fram? Erfiðið tímar - já. Eigna missir - já. En við, þjóðin erum ekki á leiðinni niður?  

Fjandakornið; getum við ekki talið það eðlilega áhættu hjá lífeyrissjóðunum að taka þátt í samstilltu átaki þjóðarinnar til þess að rétta við þjóðarskútuna? Aðgerð sem miðar að því að koma í veg fyrir eignaupptöku sjóðsfélagana - íslensku þjóðarinnar!

Og haft fína ávöxtun í leiðinni.

Liggur ekki fyrir að þessu fé verður komið fyrir til ávöxtunar hér á landi, líklegast í ríkistryggðum skuldabréfum.

Best væri að menn í stöðu Þorvaldar Gylfasonar létu af pólitískri dagskrá sinni um stund.

Eða kannski um aldur og æfi. 

Líst illa á að lífeyrissjóðir flytji fé heim

Athugasemdir

[Magnús (IP-tala skráð) 5.10.2008 kl. 17:23]

Þú talar þarna fjálglega um áhættu. Hef ég alveg misskilið þær fréttir að á íslandi sé fjöldi fólks í fjárhagslegum vanda vegna áhættu sem það tók með fjármuni sína fyrir atbeina fjármálafólks?

Er ekki reyndin sú að með aðkomu sjóðanna er verið að taka áhættu með framfærslu fólks inní framtíðinna sem svo aftur getur haft ansi stórar afleiðingar ef ekki tekst sem spáð er um?

Ég fyrir mitt leyti vil EKKI sjá lífeyri minn skertann á gamals aldri vegna skyndilausna dagsins í dag.

[Viggó H. Viggósson, 5.10.2008 kl. 17:47]

Fjálglega? Magnús, eru kaup á ríkistryggðum skuldabréfum skuldlaus ríkissjóðs einnar ríkustu þjóðar í heim áhættusamari en núverandi staða sjóðanna?

Eru aurarnir okkar betur settir í einhverjum sjóðum í útlöndum, kannski hjá Hypo?

Með því að fá aurinn heim, erum við þá hugsanlega að snarminnka áhættu sjóðanna? Um leið og þeir fá tækifæri til þess að bæta aðeins slaka ávöxtun sína s.l. ár.

[Jon Mag (IP-tala skráð) 5.10.2008 kl. 22:33]

Mér hryllir við því ef fjármálafáralingarnir í bönkunum eiga að komast með sína feitu gráðugu fingur í lífeyrissjóðina okkar.Nógu tjóni hefur íslenskur almenningur orðið fyrir af völdum þessara manna og enginn ástæða að verja þá tapi með því að leggja lífeyrissparnað landsmanna undir í spilaborginna sem nú er að hrynja fyrir augum okkar.

[Viggó H. Viggósson, 5.10.2008 kl. 22:49]

Vonandi tekur því engin sem svo að ég hafi áhuga á því að bjarga einhverjum "fjármálafáranlingum". Ég er nú meir að hugsa um rassinn á sjálfum mér og mínum og þá væntanlega á þér og þínum.