Stelpur það er ekki liturinn heldur köttið!

Klæðaburður glysfólksins er ávalt bigg issjú í tengslum við uppákomur eins og Óskarinn. Nú er höfundur þessa bloggs engin spekingur um tískufatnað, hvorki karla né kvenna og ekki er ég heldur neitt sérstaklega svag fyrir Óskarinum; fylgdist til að mynda ekki með hátíðinni í nótt.

Í morgun fór ég á Netið með kaffibolla í annarri hendi, mús í hinni og stírur í augunum; flögraði um kunnar slóðir eins og ég er vanur í morgunsárið, en datt fljótlega út úr mínu fasta fari;  inná ókunnar slóðir Óskarsfrétta. Sem auðvita eru nú á forsíðum flestra netmiðla.

Varð þó nokkuð stoltur af sjálfum mér að sjá að ég hafði skotið á eða haft góða tilfinningu fyrir nokkrum niðurstöðum. Helst var það auðvita No Country for Old Men ég var sannfærður um að hún myndi vinna, enda einhver besta ræma sem ég hef rúllað í gegnum lengi. Leikur, leikstjórn, handrit, kvikmyndataka allt á brún þess besta.

Á þessu morgunrölti mínu um Netheima tók ég eftir að áberandi voru fyrirsagnir í þá veru að rautt væri ósótvöþúsundogátta - hér er átt við að „fyrirmyndirnar” hefðu valið rautt umfram aðra liti á klæði sín. Ég er bara ekki sammála þessu mati (sjá myndir hér að neðan), mér sýnist að skvísurnar hafi verið svona fiftífiftí svartar og rauðar. Mér fannst mikið augljósara annað trend sem er is's ósólong, eða svona hafmeyjukött. Já stúlkur mínar liturinn má vera hver sem er svo lengi sem hann er rauður eða svartur eða jafnvel silfur, eitthvað, en það er möst að kjólinn verður að vera ofsíður og níðþröngur.

Fyrir okkur strákar þá hefur lítið breyst; svart og hvítt gildir. 

Þannig er það nú.

Heimild: The New York Times 

 

 

 

Coen bræður sigursælir

Pakistanar skjóta niður YouTube! Eru viðbrögð þeirra offors í anda ofsatrúar, eða bara mistök í anda klaufaskapar?

Í um tvær klukkustundir í gær var YouTube niðri næstum alstaðar í heiminum. Google (eigandi YouTube) kennir um „handvömm” Pakistanskra tæknimanna (PCCW símafélag þar í landi) reyndu að loka á YouTube aðgang frá Pakistan. 

Sjá frétt um þetta á BBC

Talið er að sérstaklega tvö jútjúb séu rótin að þessari gríðarlegu hugarangist Pakistanskra stjórnvalda nú að þau grípa til svo ofsafullra: annars vegar jútjúb þar sem notast er við dönsku teiknimyndin af spámanninum til að gera nett grín og svo kynningarmynd um mynd hollenska þingmannsins Geert Wilders, Forbidden, sem segir þá sögu að Íslam sé að upplagi ofsatrú sem fylgir ofbeldi.

Hérna fyrir neðan eru þessi jútjúb:

 

Yfirvöld í Pakistan loka á YouTube

Hanaslagur

Það á sumsé ekki að taka slaginn núna; á að leyfa málinu að kólna. Ekki veit ég hvað þessi ákvörðun muni hafa í för með sér fyrir Sjálfstæðisflokkinn; en vona auðvita að ekki hljótist meiri skaði af en  þegar er orðinn.

Fór að hugsa um Völuspá í þessu sambandi, sennilega vegna „Bræður munu berjast ...”  og hanana sem góla hver í kapp við annan í aðdraganda ragnaraka.

Hendi þessu hérna inn svona til gamans.

Til varnaðar.

 

41.
Fyllist fjörvi
feigra manna,
rýður ragna sjöt
rauðum dreyra.
Svört verða sólskin
um sumur eftir,
veður öll válynd.
Vituð ér enn eða hvað?

42.
Sat þar á haugi
og sló hörpu
gýgjar hirðir,
glaður Eggþér;
gól um honum
í Gaglviði
fagurrauður hani,
sá er Fjalar heitir.

43.
Gól um ásum
Gullinkambi,
sá vekur hölda
að Herjaföðurs;
en annar gelur
fyr jörð neðan,
sótrauður hani,
að sölum Heljar.

44.
Geyr Garmur mjög
fyr Gnipahelli,
festur mun slitna
en freki renna.
Fjöld veit hún fræða,
fram sé eg lengra
um ragnarök
römm sigtíva

45.
Bræður munu berjast
og að bönum verðast,
munu systrungar
sifjum spilla;
hart er í heimi,
hórdómur mikill,
skeggöld, skálmöld,
skildir eru klofnir,
vindöld, vargöld,
áður veröld steypist,
mun engi maður
öðrum þyrma.

Skýringuna hér að neðan stal ég frá Braga Halldórssyni hér.

40.-44. vísa sýna hvað er á seyði í jötunheimum skömmu áður en ragnarök hefjast. Í 40. vísu segir af úlfum af ætt Fenrisúlfs sem gleypa sól og mána í ragnarökum. Blóði rignir og sól hverfur af himni í 41. vísu en slíkir atburðir eru algengir fyrirboðar válegra tíðinda. Í 42.-43. víkur sögunni til þriggja hana (í jötunheimum, Valhöll og sölum Heljar) sem gala hver í kapp við annan. Gal þeirra sýnir vel glundroðann í veröldinni en jafnframt er vert að minnast þess að hanagal hefur oft táknræna merkingu í trúarbrögðum (sbr. kristni).

Ákvörðun síðar um borgarstjóra

Hvað eru flóknar fjárfestingavörur?

Fjármálaguttum um heim allan þótti voða spennandi og töff að fikta við undirmálslán og ýmsa fjármálavöndla og aðrar flóknar fjárfestingavörur - því flóknari því betra - var að skila. Já það er ekki langt síðan að þetta var gríðarlega spennandi stöff -  í dag gilda eylítið önnur sjónarmið.

Nú sýpur heimsbyggðin seyðið af þessum töffaraskap. 

Það stendur í mörgum að skilja þetta fyrirbrigði sem undirmálslán eru, en sem betur fer hægt að finna á Netinu fínar skýringar á því; eins og þessa 45 mynda kynningu á Google Docs og á vef Credit Suisse er að finna þessa mynd hér.

Annars væri gott ef sá sem gerði Subprime  kynninguna myndi gera sambærilega skýringu um það hvernig við Íslendingar færum að því að taka upp Evru einhliða!

Menn hafa verið djarfir

Sótti Adolf Hitler efni í drauma sína hjá Disney?

Norskur safnvörður hefur fundið nokkrar teikningar sem Doddi Há mun hafa dregið meðan heimstyrjöld geisaði úti fyrir. Það er reyndar engin mynd af Dodda frá Leikfangalandi; en þarna er fín mynd af Gosa og svo eru tvær myndir af Mjallhvítardvergum.

Meira um þetta hér.

Herinn heim!

Ég ætla ekki að eyða mögum orðum í lýsingu á því sem er í gang í þessu jútjúbi hérna að neðan, en ég hvet fólk til þess þrauka eitthvað inn í ræmuna; það er þess virði. Skilyrði er að hlusta sérstaklega vel eftir textanum - askoti smellinn sem hann er.

Hér er ádeila á vesen Bandaríkjanna í Írak; þar sem notað er talsvert annað orðfæri og aðrar myndlíkingar en maður á að venjast.

Þetta er dúndur fyndið og einhverra hluta vegna fer manni að líka við gelluna, lagið, látbragðið og röddina.

Slísý sem þetta er.

Skrýtið sem það er. 

Brot úr textanum:
Red, white, and blue, this is for you
If you were home, I would hump on you
Home of the brave, let’s misbehave
We’ll be gettin’ freaky like at Abu Ghraib

Shoot me in ...

Pay and stay ...

... married.

Þættinum hefur borist bréf þar sem kynnt er til sögunar nýtt alþjóðlegt boðmerki. Hugsunin á bak við merkið er sú að minna menn á að ekki er bæði haldið og sleppt. Ef þú vilt halda í frúna slepptu þá seðlunum væni; einfalt ekki satt? Við vitum þetta auðvita allir, en gleymum okkur oft og dettum þá stundum í einhverskonar þrjóskuköst - einmitt þá er væri gott að sjá þessi merki.

Samkvæmt bréfinu getum við átt von á að sjá þessi merki víða á næstunni. 

Sem er gott. 

Axjón gegn danska bankamanninum

Hvernig væri nú að Samtök fjármálafyrirtækja á Íslandi hysjuðu upp um sig buxurnar og færu í einhverja axjón gegn dönsku bankabloggurunum (sjá síðasta innlegg mitt). Það þarf að troða einhverju í lúðurinn á þeim.

Strax. 

Ég er með hugmynd um hvernig við getum slegið þá útaf laginu; lætt mér detta í hug að SFF gæti ráði til sín teiknara (er Kurt Westergaard ekki á lausu?) sem myndi gösla upp nokkrum myndum af hinum dæmigerða „danska fjármálamanni". Listamanninum yrðu ekki sett flókin skilyrði, aðeins að dönskum fjármálaspekúlant skyldi rétt lýst; þ.e. frekar óheppinn í andlitinu og annarri líkamsbyggingu yfirhöfuð og með sýru í heila stað. 

Kannski væri áhrifaríkara að halda samkeppni um bestu myndirnar og jafnvel myndaseríur. Vegleg verðlaun væru í boði.

Vinningstillögurnar væru svo birtar í heimspressunni. 

Þegar Danir færu að brenna allt sem íslenskt er s.s.: fána, brennivín, landsliðsbúninga, lopapeysur og krónur þá væri sigurinn okkar.

14-1 myndi ég segja.

Hvernig þá? Jú jú, kaup baunana á eldfimum íslenskum vörum hefði dúndur góð skammtíma áhrif á vöruskiptajöfnuð okkar og myndi styrkja krónuna umtalsvert. En við værum auðvita fyrst og fremst að setja gogginn í meðaumkun alþjóðasamfélagsins já og reiði þess í garð Dana - altso danskra bankamanna þá!

Verið að skrúfa fyrir súrefnið til Íslands

Hagfræðingar á bloggstandard

Vondar fréttir hafa heldur betur dunið á fjármálafyrirtækjunum „okkar”; erlendir greiningaraðilar keppast við að skrifa bankana, fjárfestingafyrirtæki og jafnvel einstaklinga niður. 

Svo hart er að kveðið að okkar farsælustu bísnessmenn virðast vera farnir að trúa sumu af því sem þessir greinarar láta frá sér; og fara sjálfir að tala niður íslenskan markað - jafnvel eigin félög. Rétt eins og ímyndarvandinn hafi ekki verið ærinn fyrir.

„Það er kreppa!” dynur á okkur úr öllum áttum, eins og það eigi að hamra það í hausinn á okkur - til hvers veit ég ekki. Það styður aðeins við og ýtir undir veika trú manna á markaðinum - flestir virðast reyndar hafa tapað trúnni.  

Ja enn lækkar allavega helvítis vísitalan. 

En svo koma sjóaðir menn og setjast í stjórnarformannsstól og lækka laun sín; fá að vísu klapp í staðinn. Hálf hjákátlegt. 

Ég hef verið að velta því fyrir mér hvort að hraðinn og einfaldleikinn við að koma efni út á markaðinn sé orðin það mikill að menn ráð ekki við sig lengur; gefa sér ekki tíma til þess að sannreynda  upplýsingar eða að fara undir yfirborðið eftir ítarefni. Stundum minna vinnubrögð þessara greiningadeilda á vinnubrögð bloggara - jafnvel næturbloggara.

Sem er vont; hrikalega!

Tja nema vitaskuld ef bloggarinn skildi vera ég. 

ES. Fyrir aðþrengda eða aðra áhugsama þá get ég tekið af mér verkefni í því að blogga-upp bísnessinn fyrir viðkomandi. Ég er með nokkuð fastan ramma á aurahliðinni á þessu: eitthvað smá í sænuppbónus, fastakúlu, slatta per hitt og svo auðvita nett kött af sökksessnum

Karsbøl: Skoðun mín óbreytt

Skálkaskjól

Ránum hverskonar hefur því miður fjölgað mikið hér heima, það líður varla sá dagur að ekki berist fréttir af einhverskonar ránum; jafnvel þar sem ofbeldi er beitt.

Helstu viðbrögð verslunareiganda og annarra er að auka gæslu með vídeóupptöku, slíkar ráðstafanir hafa tvíþættan tilgang; fælingu og sönnun. Lögreglan getur notað upptökur til þess að bera kennsl á "vini" sína eða tengja saman brot á mismunandi stöðum; þetta getur leit til þess að haft er uppá skúrkunum. 

Það er gott til þess að vita að tæknin hjálpar.

Vera er til þess að vita að auðvelt er að skáka henni. Nú hafa einhverjir snillingar hannað skálkaskjól; um er að ræða einfalda innrauða ljósdíóðu sem misindismenn geta borið á höfði sér og gerir það að verkum að myndflögurnar í myndavélunum tapa sér; það eins sem sést er skær ljósdepill í stað höfuðs. Til þess að kóróna snilldina þá er ljósið sem vídeóskálkaskjólið sendir frá sér er á tíðni sem mannsaugað greinir ekki.

Hugmynd hönnuðanna er vitaskuld ekki sú að hjálpa krimmum, heldur er þetta þeirra innlegg í umræðuna um eftirlitsþjóðfélagið ("Big Brother").