Á flótta undan vinstri vá ...

Ég lenti í verulegum vinstri vanda áðan, já í alvarlegum háska held ég að væri lýsing sönnust. Þannig var að ég og Zorró fórum út að hlaupa, völdum að vanda að brokka hérna niður hlíðina úr Sigurhæðum að Rauðavatni. Hringurinn að heiman um vatnið og heim að nýju er rétt um 4,5km. Í dag lá vel á okkur Zorró, vorum við sammála um að við værum léttari en oftast undanfarið. Okkur sóttist vel ferðin ofan brekkuna og út eftir vatninu, en þegar við höfuð lagt rétt um einn kílómeter að baki fannst okkur að þessi hringur væri einfaldlega of lítið fyrir okkur í dag. Samtaka breytum við um stefnuna, tókum kúrsinn uppá Hólmsheiði; vildum láta reyna á formið.

Hlaupið uppá heiðina er nokkuð erfitt og þegar á heiðina er komið tekur við hlaup ofan í og uppúr dalverpum, endalaust. Þegar við vorum búnir að puða talsvert og komnir dágóðan spotta inná heiðina fannst okkur eins og að eitthvað eða einhver væri á eftir okkur. Án þess að stoppa leit ég við - það var ekki um að villast að þarna fór eitthvað og það á talsverðum hraða. Hundurinn var greinilega hræddur við fyrirbrigði og jók hraðann. Mér varð aftur litið við og sá að fyrirbrigðið myndi draga mig uppi á næstu sekúndunum. Ætlaði ég að víkja úr slóðinni þannig að ég yrði ekki fyrir, hætti að hlaupa og snéri við. Þá áttaði ég mig hverkyns var; veran var hvorki meira né minna en sjálf vinstrigrýlan holdi klædd.

Í skelfingarofboði snérist ég í sporinu og tók á rás út hæðarkamb, öskrandi í skelfingu minni á hundinn að fylgja mér. Von bráðar skaust hundurinn framúr mér á ofboðslegum hraða og leit ég aftur, nú var óværan nánast búin að ná mér - var svo gott sem að naga á mér hælana. Í þessari nálægð greindi ég vel hvers kyns óskapnaður þetta skrímsli er og pestin - maður lifandi henni kann ég ekki að lýsa; ég kúgaðist um leið og ég herti hlaupið.

Zorró varð ljóst að ég var í verulega alvarlegri stöðu; vissi að ég var að verað skrýmslinu að bráð. Hann snérist mér til varnar; æddi á mót viðbjóðnum og stökk á hann, beit í það sem mér sýndist vera hali eða griparmur einhverskonar. Þetta dugði til að hægja á grýlunni og gaf mér tíma til að ná áttum. Skynugur hundur hann Zorró.

Það rifjaðist upp fyrir mér að fyrir langa löngu, í árdaga byggðar í hæðunum, að ég hafði heyrt frá gömlum og vitrum manni sögu um að vinstrivættir forðuðust Sigurhæðir, rétt eins og nátttröllin dagsljósið. Ég tók stefnuna í áttina að Sigurhæðum.

Í sögunni var von mín.

Ég hljóp eins og ég ætti lífið að leysa, sem líkast var raunin. Hef ég aldrei áður náð slíkum hraða á hlaupum; fannst á tíma að ég væri vindurinn sjálfur. Fann mig frjálsan, lausan við vinstri villur og vanda allan.

En þetta frelsi var of gott til þess að vera satt. Vinstrivofan hafði náð vopnum sínum og var á ný nánast búin að draga mig uppi! Með krumlunum klórandi og krafsandi, ætlaði hún mig að veiða. Var nú svo nærri mér að ég sá glita í sjálf skattpíningartólin, trúið mér það var ekki fögur sjón. Þarna undir rauðri skikkjunni viðrinisins greindi ég líka fullveldisafsalið, sá ekki betur en að það væri undirritað af miðstjórn Samfylkingarinnar. En ég sá þarna líka bregða fyrir haftastefnunni, hringlandahættinum og óstöðugleikanum og allskonar öðrum vinstri villum sem til þess eru fallnar að leiða þjóðina í helsi.

Við þessa sjón var sem úr mér væri allur þróttur dreginn, það varð mér til happs að þegar ég hné örmagna niður var ég kominn að rótum Sigurhæða. Skepnan uggði ekki að sér fyrr en um seinan; það var eins og vinstrigrýlan hefði hlaupið á vegg. Um leið og hún gaf frá sér ærandi hvæs sá ég form hennar umbreytast, verða að gufu, leysast upp og hverfa.

Sagan var þá sönn, sem betur fer! En við hana get ég nú bæt að vinstrivættir verða þó ekki að grjóti eins og nátttröllin, heldur leysast þessar óværur upp í erkiefni sitt – ekkert. Þær eru innantómar eftir allt.

Áfram veginn ... frá vinsti villu og vá!

ÖSE vel tekið

Vinstri villa #10 - Skattleggjum okkur út úr vandanum

Vinstra gengið ætlar að auka skatta, í því liði telur fólk það vera einu leiðina út úr vandanum.

Skattahækkanir eru einfaldlega grundvöllurinn að efnahagsstefnu Vinstri Grænna, þeir sjá enga aðra leið - hafa aldrei gert, munu líkast til aldrei gera.

Samfó er svolítið á báðum áttum, sem er auðvitað ekkert nýtt - út og suður er takturinn þeirra. Þar á bæ þorir fólk ekki að segja það sem það hugsar - enda myndi það kosta þau atkvæði. Samfó talar í hring, í einni ræðunni segjast þau ekki ætla að hækka skatta, en í þeirri næstu er sagt að það sé ótrúverðugt hjá Sjálfstæðisflokknum að segjast ekki ætla að hækka skatta.

Sjálfstæðisflokkurinn veit að ríkið tekur þegar of mikið af kökunni til sín. Að störf verða ekki búin til í gegnum hærri skattaálögur. Það hefur enga þýðingu, hvorki til skamms eða lengri tíma að búa til störf hjá ríkinu – hvað þá heldur að þenja það út með öðrum hætti (látið mig þekkja‘að, minn flokkur á Íslandsmet í þeirri fjandans iðju).

Sjálfstæðisflokkurinn veit að verðmæti verða ekki sköpuð með sköttum. Því fyrr sem stjórnmálamenn aðrir geta troðið þessu inní hausinn á sér því betra.

Áfram veginn ... frá bákninu!

Afskrifa 75% fyrirtækjalána

Vinstri villa #9 - Velferðarbrú

Samfó bíður NAUÐASAMNINGA fyrir þig og þína og svo sponsa þeir líka tilsjónarmann!

Jamm, jamm, Samfylkingin kann sko tökin á þessu og það kunni líka Bólu-Hjálmar:

Synjað er mér og settur hjá
sveitastyrk þeim, sem aumir þiggja.
Hjálparmanninn eg engan á,
úrræðalaus má flattur liggja.
Almáttkur faðir einn er til,
aðstoð mannleg þá flýr og dvínar.
Til hans eg stöðugt vona vil,
veit hann og telur þarfir mínar.

 

Áfram veginn … vonandi án tilsjónarmanna!

Vinstri villa #8 – Samfélag þjóðanna.

Vinstra liðið og heittrúaðir EU sinnar halda því stöðugt fram að við séum ekki og verðum ekki í samfélagi þjóðanna nema að við göngum í EU.

Það er undursamlegt, ég meina fyndið, að hlýða á og lesa þetta „að vera í samfélagi þjóðanna“ kjaftæði! Alveg hreint magnað hvað fólk getur lagst lágt, ég meina svona á milli þess sem það leggst til svefns.

Áfram veginn ... á meðal þjóða!

ES. Ég hringdi í Samfélag þjóðanna áðan, þar á bæ kannaðist ekki nokkur kjaftur við það að við séum ekki í þeim klúbb.

Samfylkingin græðir á Evrópusambandsumræðunni

Evrópa kallar! Samfylkingin lofar okkur Evrópu lausnum, vandamál okkar munu einhvernvegin hverfa, svona eins og dögg fyrir sólu - af því bara - um leið og við svo mikið sem segjumst ætla að sækja um aðild.

Evrópa er skjólið, við viljum hverfa í fjöldann. Á undraverðan hátt munu víst verða til þúsundir starfa, vextir munu líkast til hverfa, af lánsfé verður þá vísast til nóg; enda munu allir bera fullt traust til Íslendinga - þeir eru jú að fara að ganga í EU.

Sjálfur vil ég að við hefjum samningsviðræður við EU sem allra fyrst. En ég vil gera það í góðu formi, og fyrir alla muni vil ég vera edrú við þá iðju. Samfylkingin er útúrdópuð, hefur tekið allt of stóran skammt af Evrópudópinu. Þessu fólki er ekki treystandi til þess að fara með samninga fyrir okkar hönd.

Ég bið fólk að íhuga hvers virði það er að vera sjálfstæður, að kunna að sjá sjálfum sér farborða. Í þessu sambandi er holt að skoða orð sem lögðust á fullveldisvogaskálina

---

Og neyðin, sjálf neyðin, sem er háraustuðust allra norna og áfjáðust, hún fær engu til leiðar komið við yður. Þér látið útlenda færa yður það allt heim í hlað sem yður vanefnar um, og þar megið þér selja þeim sjálfsdæmi eins og vér gerðum, þegar vér unnum víg eða annað, sem þér nú kallið ódáðaverk, þar megið þér taka við því, er þeir færa yður, hvort það er gott eða illt, nóg eða ónóg , og við slíku verði, er þeir ákveða sjálfir, og er þá vel, ef þeir hæðast eigi um á eftir … (Baldvin Einarsson, Ármann á Alþingi)

---

Menn sjá dæmi til, að sumar þjóðir, sem áttu beztu lög og dugnað og réttvísa stjórnendur, hafa samt dregizt aftur úr og orðið daufar og afskiptalausar af högum sínum, af því aðrir réðu öllu fyrir þær og þær voru sjálfar til einskis kvaddar. (Tómas Sæmundsson, Fölnir) 

Samfylkingin enn stærst

Vinstri villa #7 – Evrópusambandið er eina lausnin!

EU trúaðir eru blindir í trú sinni eins og aðrir ofsatrúarhópar.

Þeirra málflutningur er að við eigum að drífa okkur inn núna vegna þess að nú sé opinn gluggi; Maltverjar fara með sjávarútvegsmálin og þeir eru smáþjóð og eyland eins og við og skilja okkur því svo rosalega vel. Já svo munu frændur okkar Sví(kj)ar elskulegir setjast í forsetastólinn og þeir munu sko taka á okkur með silkihönskum. Það skildi hafti í huga að Spánverjar koma á eftir Svíum og þá erum við sko dead in the water  …  Ójá. Nú svo ætla Bretar að vera alveg rosalega flottir við okkur og styðja okkur heilshugar, verða okkur bestu bandamenn. Jamm jamm. Við þurfum bara að kyngja Icesave tilboðinu þeirra og leyfa þeim að fá megnið af karfa kvótanum okkar og kabúmm ... við erum svo gott sem komin inní sambandið.

Hvernig getur heilt hugsandi fólk tekið á málum með þessum hætti? Það er ástæða til þess að óttast um hæfi þeirra sem svona hugsa, sem eru í sífellu daðri við EU, til þess að semja við sambandið.

Áfram veginn … veg sjálfstæðrar þjóðar!

---o0o---

Blogghöfundur er hægrimaður sem finnur sig eiga mesta samlegð með Sjálfstæðisflokknum af þeim flokkum sem starfa á Íslandi. Þannig hefur það alltaf verið! Ég trúi ekki á lauslætið sem felst í kosningarbandalögum, sem verða til vegna einstakra atburða eða aðstæðna; gjarnan 15 mínútum fyrir kosningar. Ekki trúi ég á persónukjör, en tel að skoða mætti einmenningskjördæmi - eða aðrar leiðir til jöfnunar á vægi atkvæða. Vildi sjá flokkinn minn færa sig til hægri - standa þar fast í fæturna. Er eindreginn stuðningsmaður þess að við sækjum um aðild að EU. Hef ekki tekið afstöðu til upptöku evru; tel það ekki koma að sök þar sem evran hefur ekkert með okkur að gera í það minnsta næsta kjörtímabilið. Ég geri kröfu um réttlátt uppgjör á "hruninu", mér dugir ekki að fólki verði gert mögulegt að tóra. Tryggja verður gegnsæi í stjórnsýslunni, gefa þannig gott fordæmi út í þjóðfélagið. Ákvarðanir og athafnir sem teknar eru eða framkvæmdar eru í nafni fjöldans eiga að vera fjöldanum kunnar. Hef fulla trú á krónunni og edrú hagstjórn. Verðtrygging verður að hverfa út úr íslensku efnahagslífi (afturvirkt). Skynsamlegt nýting auðlinda er forsenda velmegunar. Velmegun er forsenda velferðar þjóðarinnar.

---o0o---

 

Ræða trúnaðargögn vegna Icesave

Vinstri villa #6 – Óstöðugleiki!

Óstöðugleiki mun fylgja vinstristjórn. Fyrir því eru fjölmargar ástæður, sagan hefur m.a. sýnt að glundroði er fylgifiskur vinstristjórna. En hér læt ég nægja að benda á það hvernig vinstra liðið talar. Út og suður á vel við, þau tala nefnilega út og suður í flestum málum. Eins koma stöðugt frá þeim ótrúlegustu yfirlýsingar, fljótfærnilegar kannski, en sýna glögglega hvað þau eru að hugsa. Þetta eru hugsanir sem kjósendur ættu að gefa gaum – og fólk ætti að taka mark á.

Málið er að vinstra liðið þarf að sýna þvílíkar kúnstir í jafnvægislist til þess að halda út í nánast hverju einasta máli. Þetta mun þeim aldrei takast. Til þess skortir þau þrek. Því má fullyrði að stjórn þessa liðs mun ekki endast árið. Upplausnar og sundrungar mun gæta fljótlega - sennilega strax í stjórnarmyndun en við fáum væntanlega ekki að frétta af því.

Áfram veginn … til stöðugleika frá glundroða!

---o0o---
Blogghöfundur er hægrimaður sem finnur sig eiga mesta samlegð með Sjálfstæðisflokknum af þeim flokkum sem starfa á Íslandi. Þannig hefur það alltaf verið! Ég trúi ekki á lauslætið sem felst í kosningarbandalögum, sem verða til vegna einstakra atburða eða aðstæðna; gjarnan 15 mínútum fyrir kosningar. Ekki trúi ég á persónukjör, en tel að skoða mætti einmenningskjördæmi - eða aðrar leiðir til jöfnunar á vægi atkvæða. Vildi sjá flokkinn minn færa sig til hægri - standa þar fast í fæturna. Er eindreginn stuðningsmaður þess að við sækjum um aðild að EU. Hef ekki tekið afstöðu til upptöku evru; tel það ekki koma að sök þar sem evran hefur ekkert með okkur að gera í það minnsta næsta kjörtímabilið. Ég geri kröfu um réttlátt uppgjör á "hruninu", mér dugir ekki að fólki verði gert mögulegt að tóra. Tryggja verður gegnsæi í stjórnsýslunni, gefa þannig gott fordæmi út í þjóðfélagið. Ákvarðanir og athafnir sem teknar eru eða framkvæmdar eru í nafni fjöldans eiga að vera fjöldanum kunnar. Hef fulla trú á krónunni og edrú hagstjórn. Verðtrygging verður að hverfa út úr íslensku efnahagslífi (afturvirkt). Skynsamlegt nýting auðlinda er forsenda velmegunar. Velmegun er forsenda velferðar þjóðarinnar.

---o0o---

 

Tilhæfulaust að ríkið taki Icelandair yfir

Vinstri villa #5 - Nýting auðlinda.

Aðspurður um hvort að hann vilji álver á Bakka, segir Össur Skarphéðinsson eitthvað á þessa leið: Nej, jú, en nei! Ég er ekki að hafna álveri á Bakka, en nei ég vil ekki álver á Bakka!

Úff, hver er skoðun mannsins? Þessi maður er ráðherra iðnaðarmála ... Hvernig haldið þið að það sé að vinna með fólki af þessu tagi.

Skynsamleg nýting auðlinda stendur illa í vinstrimönnum. Þeir vita ekkert hvað þeir vilja ... hvernig eiga kjósendur að vita hvað þessir flokkar vilja?

Áfram veginn ... til velmegunar!

---o0o---

Blogghöfundur er hægrimaður sem finnur sig eiga mesta samlegð með Sjálfstæðisflokknum af þeim flokkum sem starfa á Íslandi. Þannig hefur það alltaf verið! Ég trúi ekki á lauslætið sem felst í kosningarbandalögum, sem verða til vegna einstakra atburða eða aðstæðna; gjarnan 15 mínútum fyrir kosningar. Ekki trúi ég á persónukjör, en tel að skoða mætti einmenningskjördæmi - eða aðrar leiðir til jöfnunar á vægi atkvæða. Vildi sjá flokkinn minn færa sig til hægri - standa þar fast í fæturna. Er eindreginn stuðningsmaður þess að við sækjum um aðild að EU. Hef ekki tekið afstöðu til upptöku evru; tel það ekki koma að sök þar sem evran hefur ekkert með okkur að gera í það minnsta næsta kjörtímabilið. Ég geri kröfu um réttlátt uppgjör á "hruninu", mér dugir ekki að fólki verði gert mögulegt að tóra. Tryggja verður gegnsæi í stjórnsýslunni, gefa þannig gott fordæmi út í þjóðfélagið. Ákvarðanir og athafnir sem teknar eru eða framkvæmdar eru í nafni fjöldans eiga að vera fjöldanum kunnar. Hef fulla trú á krónunni og edrú hagstjórn. Verðtrygging verður að hverfa út úr íslensku efnahagslífi (afturvirkt). Skynsamlegt nýting auðlinda er forsenda velmegunar. Velmegun er forsenda velferðar þjóðarinnar.

---o0o---

Ætla að slá skjaldborg um álversframkvæmdir

Vinstri villa #3 - Gagnsemi í pólitík!

Þriðja freyja í áhöfninni á vinstri galeiðunni Svandís Svavarsdóttir kann skil á því hvað er gagnlegt í pólitískri umræðu. En hún telur að það væri mjög gagnlegt að mæla fjölda dálksentímetra í Staksteinum þar sem talað er um Steingrím Joð sem argasta afturhald.

Þarna erum við, ég og þriðja freyjan, sammála; sem verður að teljast til umtalsverðra tíðinda. Það er hverjum manni holt að rifja upp, oft og reglulega, hverslags fólk það er sem er í brúnni á þeim drauga dalli sem vinstri galeiðan er.

Hitt er svo, að menn eiga auðvitað ekkert að vera eyða tímanum í rifja upp það sem er í fersku minni: eins og það að höfundar Staksteina skulu vera þeirrar skoðunar að Steingrímur Joð sé argasta afturhald.

Sem hann er…

Áfram veginn … til gagns!

---o0o---
Blogghöfundur er hægrimaður sem finnur sig eiga mesta samlegð með Sjálfstæðisflokknum af þeim flokkum sem starfa á Íslandi. Þannig hefur það alltaf verið! Ég trúi ekki á lauslætið sem felst í kosningarbandalögum, sem verða til vegna einstakra atburða eða aðstæðna; gjarnan 15 mínútum fyrir kosningar. Ekki trúi ég á persónukjör, en tel að skoða mætti einmenningskjördæmi - eða aðrar leiðir til jöfnunar á vægi atkvæða. Vildi sjá flokkinn minn færa sig til hægri - standa þar fast í fæturna. Er eindreginn stuðningsmaður þess að við sækjum um aðild að EU. Hef ekki tekið afstöðu til upptöku evru; tel það ekki koma að sök þar sem evran hefur ekkert með okkur að gera í það minnsta næsta kjörtímabilið. Ég geri kröfu um réttlátt uppgjör á "hruninu", mér dugir ekki að fólki verði gert mögulegt að tóra. Tryggja verður gegnsæi í stjórnsýslunni, gefa þannig gott fordæmi út í þjóðfélagið. Ákvarðanir og athafnir sem teknar eru eða framkvæmdar eru í nafni fjöldans eiga að vera fjöldanum kunnar. Hef fulla trú á krónunni og edrú hagstjórn. Verðtrygging verður að hverfa út úr íslensku efnahagslífi (afturvirkt). Skynsamlegt nýting auðlinda er forsenda velmegunar. Velmegun er forsenda velferðar þjóðarinnar.
---o0o---

Vinstri villa #2 - Sprotafyrirtæki studd!

Össur Skarphéðinsson fullyrðir í kosningasjónvarpi að núverandi vinstristjórn hafi gjörbreytt aðstöðu sprotafyrirtækja á Íslandi! 

Væntanlega á hann við til hins betra! En hvernig þá? Hvar sést þessa stað? Segðu mér sögu, já segðu mér frá ...

Það er óþolandi þegar menn og þá sérílagi stjórnmálamenn í beinni útsendingu komast upp með það að kasta fram fullyrðingum af þessu tagi, án þess að þurfa að skýra mál sitt nánar. Slá sig til riddara með innantómum fullyrðingum eða jafnvel lyginni sjálfri - ógeðfellt sem það nú er! 

Sorglegt fyrir Össur. Dapurlegt fyrir fréttamennina.

Staðreyndin er sú að ekkert, alls ekkert, hefur verið gert að hálfu ríkistjórnarinnar til þess að bæta starfsumhverfi sprotafyrirtækja. Satt best að segja hélt ég að menn (eins og Össur) myndu ekki komast upp með að bulla og bulla án viðspyrnu - núna á þessum tímum sem "töff" fréttamennska skiptir mestu máli. En mér sýnist að gamlir og reyndir bullukollar fái bara að gera sínu bulli skil, eftir sem áður.

... segðu mér sögur
já, segðu mér frá
ég átti von nú er vonin farin á brott
flogin í veg.
Eitt er að dreyma,
og annað að þrá
ég vona að þú þjóð
vaknar að morgni
veginum á

Áfram veginn ... til sannleikans!

---o0o---
Blogghöfundur er hægrimaður sem finnur sig eiga mesta samlegð með Sjálfstæðisflokknum af þeim flokkum sem starfa á Íslandi. Þannig hefur það alltaf verið! Ég trúi ekki á lauslætið sem felst í kosningarbandalögum, sem verða til vegna einstakra atburða eða aðstæðna; gjarnan 15 mínútum fyrir kosningar. Ekki trúi ég á persónukjör, en tel að skoða mætti einmenningskjördæmi - eða aðrar leiðir til jöfnunar á vægi atkvæða. Vildi sjá flokkinn minn færa sig til hægri - standa þar fast í fæturna. Er eindreginn stuðningsmaður þess að við sækjum um aðild að EU. Hef ekki tekið afstöðu til upptöku evru; tel það ekki koma að sök þar sem evran hefur ekkert með okkur að gera í það minnsta næsta kjörtímabilið. Ég geri kröfu um réttlátt uppgjör á "hruninu", mér dugir ekki að fólki verði gert mögulegt að tóra. Tryggja verður gegnsæi í stjórnsýslunni, gefa þannig gott fordæmi út í þjóðfélagið. Ákvarðanir og athafnir sem teknar eru eða framkvæmdar eru í nafni fjöldans eiga að vera fjöldanum kunnar. Hef fulla trú á krónunni og edrú hagstjórn. Verðtrygging verður að hverfa út úr íslensku efnahagslífi (afturvirkt). Skynsamlegt nýting auðlinda er forsenda velmegunar. Velmegun er forsenda velferðar þjóðarinnar.
---o0o---