Microsoft og blendingar eru málið - en ekki klámið!

Það er rétt að klámið hafði eitthvað að gera með að VHS'ið vann Betuna, málið er að Sony bannaði að klámi væri dreift á Betu á meðan nóg var til að klámi á VHS spólum. En það á ekki gera of mikið úr þætti klámsins, aðrir þættir höfðu þar mikið meira að segja (lengri upptökutími og minni framleiðslukostnaður). Sama á við í dag, klámiðnaðurinn fer einfaldlega þangað sem hann kemst, eltir aurinn - fyllir allar holur ef svo má að orði komast.

Ég var standur á CES fyrir 2 árum þegar Blu-Ray og HD DVD stríð hófst fyrir alvöru. Þetta var og er svona „minn er mikið stærri en þinn” slagur. Það fyndna og góða við þetta er að það skiptir okkur (neytendur) ekki nokkru máli hver vinnur. Það er algjör óþarfi að taka stöðu með eða á móti.

Eftir að hafa aðeins kynnt mér mál þarna á CES, sannfærði ég sjálfan mig um að mér væri flatt sama hvort formatið hefði betur. Þóttist ver nokkuð viss um að það yrði Microsoft sem tæki af okkur ómakið. Hvað sem Gates og félagar ákveddu að styðja „native” í Windows XP og síðar Longhorn (nú Windows Vista) myndi vinna. Fannst samt að Blu-Rey hefði vinninginn svona tæknilega, en HD DVD virtist ætla að verða talsvert ódýrari.

Á CNET er að finna góða grein um HD-DVD vs. Blu-ray og eins má fylgjast með hver er að pissa lengra í fínni grein á wiki.

Nokkrum mánuðum síðar var ég á CeBIT, slagurinn var enn í fullum gangi og maður var hálf-ruglaður á stöðunni, rétt eins og þegar DVD plús-r og mínus-r slagurinn stóð sem hæðst. Ég spurði menn bæði hjá Samsung og Hitachi (sem bæði tilheyra blágeisla kampinum) hvort að ekki yrði einfaldlega til blendingstæki (hybrid), tæki sem læsi bæði formin - menn töldu að svo yrði ekki. Báru fyrir sig tæknilegum, kostnaðarlegum og markaðslegum ástæðum - fullt hús, sum sé.

Eftir CeBIT var ég enn sannfærður um að Microsoft hefði völina.

Það var svo þremur mánuðum síðar að Microsoft valdi HD DVD í samstarfi með Toshiba og Intel - þetta var sum sé ákveðið! Engin spurning þetta var dauðadómur yfir blágeisla. Hann var svo gott sem dauður, blessaður!

Það var svo á CES núna í ár sem LG kynnti einmitt slíkan blendingsspilara sem byggður er skv. Total HD eða THD staðli Warner Bros (WB eru með sæmilegan Hi-Def kynningar vef). Þessi spilari fékk „Best in Show” viðurkenningu þeirra hjá CNET. Hann kostar ekki nema litla 1.200 USD - outch.

Á síðasta ári fór ég að efast, kannski væri þetta ekki svona einfalt eftir allt. Er hugsanlegt að Betamax á móti VHS á móti Video 2000 sagan endurtaki sig ekki? Að bæði þessi form muni einfaldlega lifa þokkalegu lífi. Útilokað?

Ég held ekki.

Tölvuleikjamarkaðurinn er skiptur í mörg formöt: PC, PS2, PS3, Xbox, Xbox360, PSP, Nitendo og Wii.

Sama gildir um kvikmyndamarkaðinn (leigu/sölu): VHV, DVD og PSP.

DVD brennara slagurinn stendur enn, pústrar og kýlingar sem enginn tekur eftir lengur. Þar tókust á DVD+R og DVD-R. Reyndar er líka til DVD-RAM sem sennilega var „áreiðanlegasta” tæknin, en en mun ekki fljúga. Hvort formið menn velja sér skiptir ekki lengur máli, flestir DVD skrifarar eru í dag s.k. DVD±R.

ES. Ég ætla mér ekki að kaupa Hi-def spilara fyrr en verðið á þeim hefur fallið um circa 2/3, Sem hentar væntanlega prýðilega þar sem það verður líklega á svipuðum tíma og raunverulegt Hi-def efni verður fáanlegt í miklu mæli. 

Mun klámið ráða úrslitum?

Athugasemdir

[Kjartan Þór (IP-tala skráð) 18.1.2007 kl. 18:57]

Það er reyndar eitt í þessu sem þú gleymir að athuga og það er ábending Bill Gates einhverntíman á síðustu árum um að þegar allt kemur til alls þá komi þetta ekki til með að skipta máli, þar sem þegar loksins verður kominn sigurvegari í þessum átökum (ca 5 -10 ár) þá verður bandvídd orðin það ódýr og mikil hjá heimanotendum ásamt miklu framboði af HD efni sem fæst keypt yfir netið að engin mun kaupa þessi tæki

[Viggó H. Viggósson, 18.1.2007 kl. 21:12]

Sæll Kjartan Þór, 

Nei ég er ekki að gleyma þessu atriði, langt því frá. Ég var búinn að setja niður smá nótu um samkeppnina frá Netinu sem "formati". En hætti við að hafa hana með þar sem ég hafði ekki tíma til þess að klára þá hugsun.

Óskandi væri að þú hefðir einfaldlega rétt fyrir þér, en ég er hræddur um að ég verði búinn að klára einn spilara og fá mér 2nd gen. skrifara og brennara áður en við getum saman farið að horfa á Hi-Def VOD. Því miður.

Það er svo margt sem þarf að hafa í huga bæði tæknilegs- og ekki síður viðskiptalegseðlis. Ekki gleyma því að Hollywood passar vel upp á sitt, hjá þeim er heimamarkaðurinn það eina sem skiptir máli.  Breiðbandstengingar í USA eru færri en maður heldur og í ofanálag er skilgreiningin á breiðbandi helst til of víð - sem vill segja að allur meginn þorri þessar tenginga virkar ekki einu sinni fyrir IPTV í dag.