Geir ég gleymdi!

Hæ,

Ég aftur hér, ég gleymdi að segja þér í skeytinu mínu áðan að Ömmi og hans líkir eiga eftir að væla alveg hreint ógurlega, en þeim finnst sem að þú sért að skilja þá útundan - að þeir fái ekkert að leika með. Sem auðvita er ekkert gaman.

Eitthvað er það í gangverkinu hjá þeim sem gerir að verkum að þeir sjá ekki að ekki sé hægt að vinna þessi mál fyrir opnum tjöldum. 

Svo las ég þetta áðan á mbl.is:

Ögmundur segir að á fundi þingflokksins hafi komið fram mjög eindregin gagnrýni á vinnubrögð ríkisstjórnarinnar.

Sjokker ekki satt?

Kv

V

PS. Ég held mig sem fyrr við þá kröfu að þú listir upp fyrir okkur bolparkið. 

Efnahagsnefnd fundi á morgun vegna IMF-láns

Einblöðungur

Kæri Geir.

Frábært að sjá hvað þú og þitt fólk eruð að skila góðri vinnu. Ég hef frá upphafi áttað mig á því að ekki er hægt að vinna mál sem þetta í beinni útsendingu, eins og kallinn hann Steingrímur Joð gerir kröfu um. Þú höndlar þetta vel, stendur fast í fæturna og heldur sönsum. Eitthvað hefur þú hikstað endrum og sinnum sem er ekki annað en skiljanlegt í þessu umróti.

Sem betur fer er þú með jobbið, en ekki t.d. Steingrímur Joð, sem var m.a. að farast úr stressi yfir því að við skyldum vera að tala við IMF, ég fattaði ekki hvers vegna það ætti að vera svo slæmt og tjáði mig um það m.a. hér: Spyrja fyrst, dæma svo!

En Geri minn kær, það er komið að kaflaskiptum og nú þurfum við einfaldlega að fara að fá frá þér vísbendingar um það hvernig við stöndum. Ég hef borið þessa ósk upp áður: Fá þetta á einu blaði, takk!

Ég meina ef þú gætir súmmerað upp fyrir okkur á einu blaði hver stóra myndin er. Þú veist svona debet og kredit dæmi. Ég er nefnilega einn af þeim sem geri mér grein fyrir því að talsvert er til af eignum á móti þeim skuldbindingum sem við ætlum að taka á okkur (ég man reyndar aldrei hvort er gluggamegin, debet eða kredit). En því miður eru margir sem aðeins sjá aðra hliðina og túlka því stöðuna í mikið dekkra ljósi en ástæða er til. Þessu fólki líður illa af þessum sökum.

Þetta þarf ekkert að vera 100 prósent hjá þér, bara svona bolpark. Við áttum okkur alveg á því að tölur koma og tölur fara, að breyturnar í jöfnunni eru á stöðugri hreyfingu og jafnvel jafnan sjálf.  En það er allt í fínu, þú uppfærir þá bara einsíðuna, t.d. rétt fyrir kvöldmat á hverjum degi (það er fínt að skoða þetta með núðlunum). Ef þú vilt, þá get ég sett upp fyrir þig vefsíðu (t.d. http://www.storatjonid.is/) þar sem við uppfærum stöðuna stöðugt, það er nú ekki málið. Það má vel hugsa sér að setja upp "læf fíd" beint frá ríkiskassanum.

Þannig er að á tímum sem þessum þá er nauðsynlegt að eyða óvissu og senda alla þá jákvæðu strauma sem fyrirfinnast út til þjóðarinnar. En þetta veist þú auðvita.

Þetta er nú allt að sinni.

Með vinsemd og virðingu,
Viggó


ES. Þessi einblöðungur gæti orðið fyrsta síðan í Hvítbókinni hans Bjössa Bjarna, með fyrirsögninni: Hver kom okkur í þetta klúður? Svarið væri svo að finna svart á hvítu.
ES.ES. Þú þarft að brýna aðeins skotinn sem þú ert að senda Gordon Brown. Já og skjóta oftar.

Mjög erfiðir tímar framundan

Nú fara vötn senn að renna með okkur

Það þarf að hamra járnið sjóðheita, um að gera að koma því sem víðast að það er verið að safna undirskriftum bæði á www.indefence.is og hér:Bænaskjal á Number 10 (ath. aðeins ætlað Breksum)

Fullyrðingar Darlings dregnar í efa

Bænaskjal á Number 10

Á vefnum number10.gov.uk hefur verið sett í gang undirskriftarsöfnun við mótmælum á misbeitingu "hryðjuverkalagana". Texti bænaskjalsins er:

We the undersigned petition the Prime Minister to stop abusing anti-terror legislation for cases like Iceland where there is clearly no suggestion of terrorist activity.

There have been several worrying cases of anti-terror legislation being used inappropriately, but the freezing of Icelandic assets is a watershed case in which any pretence of relevance has been deemed unneccesary. We now know that these sweeping powers can be used against anybody for any reason without shame.

Nú er um að gera fyrir alla sem þekkja fólk á Bretlandseyjum að senda þeim nótu með vísun á þessa slóð: http://petitions.number10.gov.uk/IcelandTerror/

Yfirlýsing viðskiptaráðherra

Myndasaga

Þetta eru erfiðir tímar fyrir marga, stressið á markaðsgólfinu tekur verulega á, hér er: bloggið um verðbréfamiðlara með andlitið í gaupnum sér. 

Segir þar hver mynd sína sögu.

Áframhaldandi hlutabréfahrun

Eldgamla Ísafold og um það að missa ekki móðinn

Mér datt í hug að einhverjir hefðu gaman að því að lesa greinina af forsíðu Ísafoldar sem fannst á milli þilja fyrir vestan. Fyrst kemur hér mynd af Ísafold, miðvikudagurinn 6. okt. 1886, en þar fyrir neðan hluti af textanum.

Lífshættir í hættu?

Lífsgæði okkar Íslendinga hafa verið mikil undanfarin ár, áratugi reyndar. Hafa verið stöðugt vaxandi alla mína tíð. Líkast til voru þau hvergi meiri en akkúrat hér. Sú var staðan fyrir aðeins nokkrum dögum.

Nú er öldin önnur! Eða hvað?

Ég rakst á þessa mynd hérna fyrir neðan, þó svo að hún segi jafnt sögu misskiptingar eins og erfiðleika í hörmungum, þá getur hún vel táknað það sem kann að bíða okkar. Frá alsnægtum í nauðir. Það gæti orðið hlutskipti okkar ef menn sem hér ráða ferð koma sér ekki úr sporunum.

Í þessari mynd standa meira en þúsund varnaðarorð.

Áfram veginn...

Margaret Bourke-White, 1937

Davíð: Varaði ítrekað við að bankar væru í hættu

Ógeðveikir nauðgarar og morðingjar

"Nauðgaði og drap vegna geðsýki" segir þarna í fyrirsögn og vörn ómennisins mun byggjast á tímabundinni geðveiki! Nauðgar einhver og drepur án þess að vera meira en lítið geðveikur? Rugl er þetta.

Hengj'ann í næsta gálga.

Þá er málið dautt.

Þá er hann dauður.

Nauðgaði og drap vegna geðsýki

Græn orka II

Áætlun innanríkisráðuneytis BNA (DOI) til þess að auka nýtingu á jarðvarma er risavaxin, ætli hún jafnist ekki á við um 18 - 20 Hellisheiða virkjanir og það fyrir 2015. Á næstu 10 árum þar á eftir á áætlunin skapa 6.600MWe tilviðbótar.

Mig grunar að á næstu árum eigi eftir að verða tækninýjungar á þessu sviði sem mun auka afköst jarðvarmavirkjana og gera mögulegt að nýta jarðvarma á stöðum þar sem menn töldu slíkt ómögulegt áður. Annað er að þessi áætlun DOI gerir ekki endilega ráð fyrir því að nýta þessi orkuvirki til húshitunar.

Við Íslendingar hljótum að geta stokkið á þennan vagn, ég neita að trúa öðru. Ég fjallaði um þetta í innleggi: Græn orka

Hér er hægt að lesa fréttatilkynninguna frá DOI og hér er hægt að skoða Google síðuna um jarðvarma.

Það væri reyndar djö... kúl að fá aurana hans Pútíns setja mikið af þeim í rannsóknir og nýsköpun á sviði jarðvarmaorkuvinnslu og flytja svo þessa þekkingu til BNA. Meik'ða big time. Sem aftur þýddi að á fáum árum yrði BNA minna háð olíu en búast hefði mátt við.

Nettur snúningur það!

Aukin jarðvarmanotkun í Bandaríkjunum

Kreppuráð #2: Hard Cash

Ef seðlarnir eru búnir í bönkunum þá er bara að heimta mynt - harðar og traustar krónur. Fyrir utan að rannsóknir hafa sannað að fólk eyðir minna, svo um munar, ef það notar mynt í stað seðla, svo ekki sé nú talað um greiðslukort; þá er, öfugt við seðlana, hægt að gera ýmislegt sniðugt við alvöru krónur, samanber myndina hér að neðan. Á þessum vef hér er svo hægt að fá fleiri góðar hugmyndir.

Seðlaskorts verður vart

Setja í frost

Að bjarga fólki með frystingu, er það ekki einskonar IceSave?

Er IceSave þá gott eftir allt?

Bankar frysti myntkörfulán

VIP

Loksins vorum við dottin inní alvöru klúbb, félagsskap sem eftir er tekið og um er rætt. En nei, nei, það mátti auðvita ekkert endast, okkur hefur nú verið kippt þar út.

Ég ætla að eiga myndina hér fyrir neðan til minningar og sem sönnum þess hversu hátt við Íslendingar risum í kreppunni miklu.

Landsbankinn af hryðjuverkalista

Iss þetta er ekkert...

... slefar tæplega í 2 millur á haus. Það er varla að taki því að fá eitthvað af aurum upp í þetta úr eignum Terroristabankans.

Að öllu gamni slepptu þá er sennilega ekki hjá því komist að leysa þennan hnút nema með þessum hætti. En ég bendi samt á innlegg mitt frá því kvöld vinir og óvinir.

Bretar eru óvinir okkar, svo einfalt er það nú. 

580 milljarða lán frá Bretum

Vinir og óvinir

Ég lýsti því við ákveðið tækifæri ekki alls fyrir löngu að mér gengi illa að eiga óvini. Þetta taldi ég löst.

Mér varð ljóst að þeir sem þarna hlýddu á skildu mig ekki, í það minnsta ekki til fulls. Tilraun mín til þess að skýra hugmynd mína var aum, mér fannst hún renna út í sandinn.

Eftir þetta hugsaði ég upp skýringu sem ég gæti notað ef ske kynni að ég myndi lenda í sömu sporum - komst niður á hugsun sem ég taldi duga, var sáttur - en svo las ég þetta:

Eitt af því sem flestum þykir mikilvægast er að eignast vini. Það er áreiðanlega rétt sjónarmið. En ég vil bæta því við að það er líka mikilvægt að eignast óvini, rétta óvini, vanda val þeirra og sýna þeim virðingu. Gott er að sættast við óvini sín, og verið getur að þeir reynist bestu vinir þegar sættir takast.

Einn var sá maður sem kvaðst enga óvini eiga, hann væri búinn að láta farga þeim öllum.
Baldur Óskarsson, Í vettling manns, 2007

 

Mér finnst að við Íslendingar og þá sér í lagi ráðamenn eigi nú að íhuga þessi orð og nota þau sem leiðarljós í framkomu/samningum okkar við Breta.

Bretar eru óvinir okkar, við skulum sýna þeim festu en virðingu í senn. Svo grær um sárt og þá verður gott að sættast við þá og gera að góðum vinum. Því það er vilji okkar.

Ég held nefnilega að Íslendingar séu eins og ég, við viljum ekki eiga óvini.

Nema þegar nauðsyn rekur til.

Bresk nefnd aftur til Íslands

Og eru Íslendingar nú peninga-hryðjuverkamenn?

Nú segir af Warren nokkrum Ellis, breskum höfundi (teiknimyndasagna og fl.) og samfélagsrýni og af hugrenningum sem rætur sínar eiga að rekja til válegra tíðinda af íslenskum og skráðar voru á örblogg hans.   

Sumum þykir krísan góð

Krísan er góð fyrir upplýsingatæknibransann, segja þeir á danska vefmiðlinum Comom. Líkast til er það rétt fyrir marga, en þó hvergi alla fullyrði ég. Lesa má greinina hér.

Áríðandi að „missa ekki móðinn"

Varúð - ekki tapa hugsun!

Spurning hvort að ekki þurfi að koma svona varnaðarskiltum inná kontórinn hjá Jarpi í nr. 10 og hjá Darlíngnum hans líka.

C'mon - þessir gæjar þurfa að læra að halda ró sinni! Sér í lagi þegar engin hryðjuverk eða hryðjuverkamenn eru á ferðinni. 

Landsbanki í slæmum félagsskap

Titringur á síðustu metrunum

Nú má búast við því að ósómi ýmiskonar eigi eftir að verða meira áberandi í kosningabaráttunni. Þetta dæmi benti ég á fyrr í kvöld: Elskulegur frambjóðandi. Stingur aðeins en þó enginn titringur þar (eða þannig) og svo er það dreifibréfið hérna að neðan sem tæplega flokkast sem málefnalegt (ólíkt State-O-Head dæminu):

McCain biðlar til Rússa

Elskulegur frambjóðandi

Nú er heldur betur fjör að færast í leikinn, þarna í forsetakosningunum í vestur heimi. Ozam Group lætur sitt eftir liggja hverjum sem þiggja vill. Þeir mæla með Stae O head.

Hjá Ozam er lagt til að kjósendur elski frambjóðandann sinn, því þá muni hann elska til baka. Skilyrðislaust. Með fallegan hörundslit mun hann standa teinréttur og fastur fyrir, alla nóttina ef því er að skipta.

Hef ég fyrir satt!

En frekari upplýsingar er að finna hér.

Google-stjóri styður Obama

Hristum af okkur slenið

Ussbarasta þetta gengur ekki lengur. Hvar sem borið er niður erum við Ísendingar að tapa og það feit. Nauðsynlegt er að snúa við þessari öfugþróun.

Ég skora á ÍSÍ og ráðherra íþróttamála að rigga upp einu fjölþjóðlegu handboltamóti. Trúi ég því að þjóðarsálartetrið myndi braggast mjög við nokkra sæta sigra.

Íslendingar snéru við á Shivling fjalli