Hart í bak! Snúið við strákar...

Geir ætlar ekkert í stríð, búið er að flagga hvítu á stjórnarráðinu.

Fúlt, ha!

Eignir standi undir Icesave

Bring it on!

Heyrðu kallinn, ekkert svona ...

Jæja nú er eins gott að Goggi kalli út sitt lið í Landhelgisgæslunni.

Allir í bátana!

Hafa þarf snör handtök; pússa og bóna kanónurnar, fylla fleyin (bæði tvö) af birgðum, finna hin skotin (þ.e. ekki púðurskotin - þó sjálfsagt sé að hafa þau með í för), setja kúrsinn á norðausturhorn Hatton Rokall svæðisins og stíma út.

Taka stöðu og standa fast ...

Brown hótar aðgerðum

Rosalega eru Rússar ríkir og rausnarlegir!

Eða er kannski bara verið að gera grín í okkur....

Eigum við kannski von á:

Svo hnaut ég um þessa frétt:

Var það annars ekki Landesbank Reihland-Pfalz sem Glitnir var í viðskiptum við? Þessi sem seldi sig (að sumra sögn) á vald DO og kó og köttaði svo lánalínunna til Glitnis!

Merkileg tilviljun hvernig örlög þessara aðila blandast örlögum draumalandsins.

Óskylt, en þó ekki; þá ætti aldrei að eiga viðskipti við banka hvers nafn er fals!

Annars: með ástarkveðju frá Íslandi.

Baksvið: Hvaða „vinir" brugðust?

Smáskammtalækningar er aðferð ESB

Eins og Geir H. Haarde, forsætisráðherra, benti á í dag þá hugsar nú hver þjóð um sig. Raunar er það í eðli ESB að þegar umhverfið kallar á samræmdar aðgerðir að þá fer innbyggður tregðumótor sambandsins í gang. Allir vilja þá toga til sín, menn sjá ekki eða kjósa að horfa framhjá sameiginlegum hagsmunum - í það minnsta fyrst um sinn. Ég spurði í gær:Hver er til þrautavara?  

Fréttaskýring: Öll samstaða brostin meðal Evrópuþjóða

Þegar vonin ein er eftir ....

Þegar vonin ein er eftir þá er ekki annað að gera en að vona - heit og innilega.

Nú er ekki annað að gera en að trú því og treysta að forsætisráðherra kunni að hasta á illviðrið eins og annar maður ku hafa gert forðum.

Víðtækar heimildir til inngripa

Óvissuferð á ögurstund

Óvissuferð er hreint ekki það sem þessi þjóð þarf á að halda.

Það má vel vera að í gær hafi það verið metið svo í Ráðherrabústaðnum að slútta yrði helginni með einhverjum hætti. 

Geir var sendur út á hlað - tómlátur og fjarhuga.

Hann sagði: "Þessi helgi hefur skilað því að við teljum núna ekki lengur nauðsynlegt að vera með sérstakan pakka með aðgerðum, "

Taktíkin var væntanlega að koma út skilaboð um að ástandið væri nú ekki svo slæmt, að hlutirnir væru að færast í rétt horf, málinn að róast og því ekki nauðsynlegt að grípa til sérstakra aðgerða. Það átti sum sé að róa lýðinn. Samandregið þá voru skilaboðin eitthvað á þessa leið:

• það er ekkert panik á íslenskum stjórnvöldum.
• boðið er upp á fullt af kostum í stöðunni; menn verða gefa sér tíma til að velja vel.
• aðgerðir bankana eru sjálfknúnar sjálfsbjargar aðgerðir þeirra, það er ekki verið að þvinga menn til eins eða neins - enda ekki ástæða til.
• lífeyrissjóðirnir hafa fullan hug á því að taka inn slatta af aurum frá útlöndum, það eru líka sjálfknúnar aðgerðir - enda krónan ódýr og í boði trygg bréf á fínum vöxtum.
• fulltrúar launafólks eru algerlega með á nótunum og munu róa sitt bakland - halda aftur af sér og sínum.
• þeir sem að málinu hafa komið eru allir samtaka og munu leggja sitt af mörkunum.
• hafið GÓÐA NÓTT

En svona var þetta ekki - auðvita ekki, það vissu allir. Nú segir Geir að staðan sé mjög alvarleg.

Það er verið að róa lífróðri; en við verðum að trúa því að menn sjái til lands, að aðeins sé eftir að fara í gegnum brimgarðinn og velja vör til lendingar. Við treystum Geir og hans fólki til þess að taka land - fumlaust.

Hann sagði við þá: „Hví eruð þið hræddir, þið trúlitlir?“ Síðan reis hann upp, hastaði á vindinn og vatnið og varð stillilogn.
Mennirnir undruðust og sögðu: „Hvílíkur maður er þetta? Jafnvel vindar og vatn hlýða honum.“

Óvissa um aðgerðir

Pólitísk dagsskrá fræðimanns

Íslenska ríkið, þjóðarskútan er ekki að sökkva eða hvað? Er prófessorinn virkilega að halda því fram? Erfiðið tímar - já. Eigna missir - já. En við, þjóðin erum ekki á leiðinni niður?  

Fjandakornið; getum við ekki talið það eðlilega áhættu hjá lífeyrissjóðunum að taka þátt í samstilltu átaki þjóðarinnar til þess að rétta við þjóðarskútuna? Aðgerð sem miðar að því að koma í veg fyrir eignaupptöku sjóðsfélagana - íslensku þjóðarinnar!

Og haft fína ávöxtun í leiðinni.

Liggur ekki fyrir að þessu fé verður komið fyrir til ávöxtunar hér á landi, líklegast í ríkistryggðum skuldabréfum.

Best væri að menn í stöðu Þorvaldar Gylfasonar létu af pólitískri dagskrá sinni um stund.

Eða kannski um aldur og æfi. 

Líst illa á að lífeyrissjóðir flytji fé heim

Hver er til þrautavara?

Hvar er Seðlabanki Evrópusambandsins í þessu máli? Ef hann er ekki til þrautavara fyrir Hypo, væri hann það þá fyrir Kaupþing? Getur það verið að skjólið sem sumir sjá í ESB aðild sé hugsanlega eitthvað minna en haldið er?

Er staðreyndin ekki sú að í ESB eru 27 kraftar sem toga sinn í hverja áttina. Á ögurstundu skapast ekki sjálfkrafa samstaða, heldur þvert á móti má búast við því að erfitt verði að samræma stefnuna, að allir stefni á sama pól.

Eins og fram hefur komið þá getum við Íslendingar gert ýmislegt sjálfir okkur til bjargar. En væntanlega mun það ekki duga til og því þurfum við hjálparhönd - margar hjálparhendur býst ég við. Þessi hjálp getur tæplega verið í öðru en lánum og vilyrðum fyrir enn frekari lánum - til þrautavara!

Auðvita þurfum við að taka þau erlendu lán sem okkur stendur til boða - eða hvað? "Auðvita" er auðvita ekki rétt orðaval; að auka skuldir þjóðarinnar er auðvita ekki gott.

Það sem gildir best er að sækja erlendar eignir og flytja þær heim - breyta í krónur. Þær eignir sem auðveldast er að sækja eru innistæður og sjóðseignir. Nú er ég ekki aðeins að vísa til lífeyrissjóða heldur til eigna "auðmanna" þjóðarinnar. Ég átta mig á því að selja fasteignir og fyrirtæki (t.a.m. banka), í heild eða að hluta er ekki auðvelt á þessum tímum - en menn verða að axla ábyrgð.  Þó svo að gjörningar á borð við eignasölu klárist ekki á dögum eða vikum þá ætti að hefja vinnu í þessa veru strax. Slíkar aðgerðir ættu að vera skilyrtar í þeim björgunarpakka sem nú er verið að sníða.

 

Þýskur banki riðar til falls

Í ræktina - strax!

Það má ekki gerast að Steingrímur Joð gefist upp, það er mikilvægt að hann geti haldið sinni sáttahönd útréttri sem lengst. Helst út í það endalausa. 

Kallinn verður nú að drífa sig í ræktina - oft var þörf, nú er nauðsyn.

Hérna eru leiðbeiningar um hvernig hægt er að byggja upp handleggsvöðva.

Myndin hér til hliðar er mín draumsýn - sýn um hina styrku sáttahönd!

Sáttahöndin að þreytast

Hip, hip, húrra!

Mikið gott, mikið gaman....

En, eða kannski auðvita, enduðu markaðir í mínus þarna vestur frá - sú staðreynd fer nett í taugarnar á mér. Skýringin er víst sú að framan af degi voru teknar stöður með eða á móti (markaðir voru upp um 3%) og um leið og niðurstaðan lág fyrir þá voru þær, stöðurnar, hreinsaðar. Menn tína saman aurana sína, kannski eitt eða kannski þrjú prósent og stinga rentunni í vasann og við þessa uppskeru tíð falla markaðirnir aftur

Þá byrjar "the waiting game", menn eru ekkert of fjáðir í það að taka mikla áhættu - eru kannski svolítið brenndir, fara því varlega. En ég segi það enn og aftur; mánudagurinn má bara ekki verða til mæðu!

Svo vona ég að þetta sé ekki síðasta fagnið - að héðan í frá verði allt upp á við.

Eða þannig.

Fulltrúadeildin samþykkti

These are the times that try men's souls

Það verða allir að koma að lausn. Lífeyrissjóðir eiga að selja erlendar eignir í stórum stíl og einstaklingar sem eiga milljón hér og aðra þar ættu nú að kaupa krónur - allir sem einn. Við munum ekki ná okkur út úr þessari stöðu nema með fórnum, því fyrr sem við bregðumst við því minni verða fórnirnar.

Í Washington er fulltrúadeildin að takast á um björgunarpakkann og mun greiða atkvæði um hann eftir umræðuna. Ég vona að þær breytingar sem hafa verið gerðar á honum frá síðustu atkvæðagreiðslu dugi til þess að lögin verði samþykkt. Þar eru menn að færa mikla fórn - mikilvæga fórn, sem ekki aðeins mun hjálpa þeim heimafyrir heldur um heim allan.

Ég les stöðuna þannig; að mórallinn sé sá að engin hafi sérstakan áhuga á því að bjarga strákunum í Veggstræti, þeir bökuðu sína skítaklessu sjálfir - engin mun gráta þó þeir þurfi að selja Rolex'inn eða Bímerinn. Engin vill henda til þeirra gullinni fallhlíf, þeir mega fara niður í frjálsu falli!

Farið hefur fé betra.

En frá tíma til tíma kemur upp sú staða að menn þurfa að þrífa upp skítinn eftir aðra, einmitt nú er sá tími - það verður að vernda almenning; fólkið í Aðalstræti. Þess vegna á að á að moka þennan skýt - vegna mömmu og ömmu sem annars kunnu að tapa öllum sínum sparnaði og vegna allra þeirra sem annars munu tapa vinnunni.

Þingmenn eru ekkert endilega vissir um að þessi pakki muni duga til, eru ekkert vissir um að rétt sé að draga hrokafullt Veggstrætis gengið að landi. Aðgerðin mun ekki koma í veg fyrir kreppu, en menn munu binda vonir til þess að með því að samþiggja lögin muni þeir skapa svigrúm - svigrúm sem nota má til frekari aðgerða.

Warren Buffett heldur því fram að ef þessi aðgerð verði rétt framkvæmd, sem hann telur lögin vera, að þá muni bandaríska þjóðin græða mikla peninga. Kannski ekkert ósvipað Glitnis-pakkanum hér heima.

Eitt er víst a ekki dugir að gera ekki neitt, það verður að smyrja tannhjól efnahagslífsins, þau hjól verða að snúast. Áætlun er ekki fullkominn, langt því frá en ég býst við að þeir sem voru á móti áður munu nú sjá hana sem illa nauðsyn.

Stöðva verður blæðinguna.

These Are the Times That Try Men's Souls

Lífeyrissjóðir komi að lausn

Ég fann fé ...

... lausafé þá. Það var fullt af þessu, tja nánast út um allar koppagrundir þegar ég átti leið um fjórðunginn ekki alls fyrir löngu. 

En svo hefur mér verið sagt að litlu síðar hafi ýmislegt gerst. Því er haldið fram að mesta það lausafé sem ég sá þá, sé nú orðið bundið fé.

Ég veit svo sem ekki hverju skal trúa. En veit þó fyrir víst að ég er í svipaðri stöðu og íslenska fjármálakerfið - með allt niðrum mig.

Svona lausafjárlega þá. 

Boðar aðgerðir til að auka lausafé

Afurð auðlindar ...

... á diskinn minn!

 

Aukin sala á lambakjöti

Græn orka

Við eigum ríkulegar auðlindir; það heyrðum við endurtekið margsinnis úr ræðustóli Alþingis í gær - vissum það svo sem vel fyrir. Þær liggja í fólki, lömbum, fiskum, vatni, víðerni og orku - sjálfbærni er lykilorðið hér.

Við erum stolt af þessum auðlindum okkar og bærilega stolt yfir því hvernig við nýtum þær. Erum stöðugt að gera betur í þeim efnum.

Teljum við.

Það er ekkert ljótt sem heitir; við þurfum að setja fullan þunga í rannsóknir og framþróun á nýtingu jarðvarma til framleiðslu á raforku. Við eigum að laða að okkur umtalsverðar upphæðir frá erlendum fjárfestum og vísindasjóðum, stærðagráðan - tugir milljarða.

Klárlega hjálpar slík áætlun ekki núna, nema sem jákvæður punktur í framtíðinni. En við þurfum slíka punkta.

Heilan helling af þeim.

Í forskoti á nýtingu jarðvarma liggja gríðarleg verðmæti, þessu forskoti megum við ekki glutra niður. Víða um heim er unnið að þessum málum, við Íslendingar höfum eitthvað komið að slíkum málum en ég veit ekki í hvaða formi.  Vonandi erum við ekki að gefa af okkur grunnþekkingu, þannig að þeir sem gjöfina þiggja geti notað þekkingu "okkar" sem stökkbretti - sem síðan yrði notað til þess að stökkva yfir okkur.

Stinga okkur af. 

Myndbandið hér að neðan fjallar um jarðvarmavirki í tengslum við djúpboranir á "köldum" svæðum. Er þetta ekki eitthvað sem við ættum að vera best í?

  

Engin hætta á olíukreppu

Frjálshyggjan er dauð!

Á þessum hrikalegu tímum, við þessar að því er virðist vonlausu aðstæður keppast margir við að benda á frjálshyggjuna og segja hana seka; að það sé henni að kenna hvernig komið er fyrir okkur.

Steingrímur J. var á þessum nótum í ræðu sinni á þingi í gærkvöldi. Frjálshyggjuvofan - hengjum'ana í næsta tré.

Þetta eru nokkrar tilvitnanir úr bloggum undanfarana daga:
"... fórnarlömb hins brokkgeng(n)a kapitalisma"
"... við jarðaför nýfrjálshyggjunnar."
"... er nú komið að skuldadögunum: Frjálshyggju-oflætið sem birst hefur í útrásarfylleríinu..."
"Hugmyndafræðilegt uppgjör við frjálshyggju, útrás og einkavæðingu er óhjákvæmilegt..."
"... að horfa áratugum saman á þessa frjálshyggju menn,sem hafa í pólutísku skjóli íhalds og framsóknar gleypt bankana og verðmætustu fyrirtæki landsins."
"... talsmenn frjálshyggjunnar hafa degið sig inn í skelina , þegar sýnilegt var öllum ,að grægðin var orðin að illkynjuðu þjóðarmeini."
"... með sömu rökum og frjálshyggjugræðgisvæðingasinnarnir..."
"Látum frjálshyggjugaurana borga ruglið..."
"Frjálshyggjan er eins og langt leiddur alkóhólisti..."
"Einkavinavæðingin Sjálfstæðisflokksins hefur beðið skipbrot og frjálshyggjan er dauð."
"...þeirrar óheftu frjálshyggju sem riðið hefur húsum um allan heim um langt árabil."
"Áróðurinn og lygi frjálshyggju-yfirgangsins..."
"Hrun frjálshyggjunnar..."
"... að nýfrjálshyggjan hafi beðið skipbrot um allan heim ..."
"Í krafti frjálshyggju virðist sem hagkerfi Íslands sé orðið villtara en sjálft villta vestrið."
"... höfð að fíflum eina ferðina enn af misvitrum frjálshyggju-fjöndum ..."

En ekki hvað?

Undirrót núverandi efnahagvanda er sögð frjálshyggjan (aka. græðgi) og helstu drifkraftarnir, eldsneytið eru: skortsölur, kaupréttasamningar og óljós krosseignatengsl. Þetta ætti allt að banna.

Segja sumir.

Það er margt til í þessu, ljóst er að menn hafa farið offari, teygt sig eins langt og tekið til sín eins og mögulegt hefur verið - sumir hugsanlega farið útfyrir (of)rúman rammann. Efalaust, en það á ekki að rugla saman hugmyndafræðinni og regluverkinu.

Skortsölur hafa verið stöðvaðar tímabundið í BNA. Margir túlka þá ráðstöfum sem staðfestingu þessa að skortsölur eigi að banna. Ég held ekki að hugmyndafræðin á bak við skortsölur sé röng. Þvert á móti, hún er eðlileg.

Eðlileg eins og græðgin.

En nauðsynlegt er að breyta regluverkinu sem þessi gerð viðskipta styðst við. Viðskiptin skulu gegnsæ frá upphafi til enda. Viðurlög við broti á reglum eiga að vera jafn skýr og reglurnar og verulega íþyngjandi. 

Þá er þetta viðfangsefnið frá. Svona einfalt er þetta!

Næsta, takk.

Kaupréttasamningar - sama gildir um þá. Þeim á að flagga og þeir skulu gegnsæir. Séu reglur brotnar á að refsa - svo meiði. Aðrar gerðir kaupauka/hvata stjórnenda verða að falla undir sama regluverk.

Þetta þýðir jafnfram að styrkja þarf eftirlitsstofnanir og það alfarið á kostnað viðskiptaaðila.

Þá er þetta búið. Vandinn er frá.

 

Ó, er ég að gleyma krosseignatengslunum? Tja nú þyngist málið. Gegnsæi er augljóslega hluti af lausninni, en líklega verður að höndla fjármálafyrirtæki með sértækum hætti; hér þurfa að koma til takmarkanir og ríkari kröfur til fjárhagslegsstyrks og tengsla stærri hluthafa.

Á þessu flestu, ef ekki öllu eru til góðar lausnir.

Græðgi er eðlileg. Hún hverfur ekki úr eðli manna; verður hvorki rekin út, né bæld. Það eina rétta er að við einhendum okkur í að virkja þennan kraft.

Okkur til góðs.

Það á að boða okkur til fundar og læsa okkur inni

One down, two to go!

Öldungadeildin var nokkuð afgerandi í sinni afgreiðslu á neyðarpakkanum; 74 yea á móti 25 nay. Þetta er fínt! Nú er bara að bíða og sjá hvernig málin þróast.

Næsta spurning er hvernig falla atkvæði í fulltrúadeildinni á föstudaginn - á þeim bæ hefur almenningsálitið meira að segja og það hefur frekar verið á móti því að draga bankamennina að landi.

Þótt allra augu hafi beinist að þessari neyðaraðgerð í BNA, þá eru stjórnvöld um heim allan að skipuleggja og samþykkja aðgerðir. Ekki er ólíklegt að þegar risaáætlun bandaríkjanna nær í gegn að litið verði á hana sem lykilsteininn í brúnni frá óróa til stöðugleika. Eins og sést á fréttum nú í morgun þá eru seðlabankar í Evrópu þegar búnir að setja dæluna á góðan þrýsting og sprauta inn á markaðinn milljörðum dala.

En brúnna verða ríkistjórnir innan ESB að nota til þess að koma í gegn samstilltum aðgerðum. Því þó einstaka ríki hafi staðið í ströngu; við að kasta kútu og kork í sökkvandi fjármálastofnanir, þá hefur ekki verið um samstillt átak að ræða (ekki frekar en fyrri daginn hjá ESB).

Nú er þörf á því, nú er leiðin þekkt og vonandi verður hún fær fljótlega. Verðum við ekki að trúa því að ESB komi sterkt inn á helgina.

Næstkomandi mánudagur má einfaldlega ekki verða til mæðu!

Ég er bjartsýnn. En þú?

Öldungadeildin samþykkti

Í skjóli nætur, von vakir!

Ég er ekki sannfærður um að þessi aðferðafræði Geirs; að boð ákveðna menn til fundar við sig á "off hours" sé til þess fallin að róa fólk.

Sennilega er einhverja frétta að vænta frá þessum fundi á morgun.

Vonandi.

Talandi um von, þá fer ég nú að sofa með þá von að Washington samþykki í kvöld nýja "björgunarpakkann". Útlit er fyrir að nú hafi stuðningur við frumvarpið verið tryggður og þá er bara að bíða og sjá hver viðbrögðin verða á morgun. Á morgun verða forsíður blaðana í takt við myndina hér til hliðar.

Vonandi.

Sæta drauma.

Kaupþingsstjórar í stjórnarráðinu

Mannauður

Hvað það væri nú gott ef þjóðin myndi njóta liðsinnis stjórnenda og efnahagsráðgjafa með greindarvísitölu sem væri í sæmilegum takti við gengisvístöluna núna.

 

Gengisvísitalan yfir 200 stig

Fall eftir svall

Hugsanir tengdar Glitnismálinu, enn ómótaðar... 

fall
eftir
svall

markaðir hrynja
af fólki aurar eru slitnir
áföll yfir dynja
hvar er Glitnir

kominn að þrotum
skoðun skipt
tekinn í brotum
eða óskipt

girnast
gremjast
gjamma
gamna

mótherjar
meðeigendur
miðlar
misvitrir

er það ekki nauta
að svara
eða á þeim fé að færa til þrauta
og vara

túkall
eftir
veðfall
Stoðir styrkar ey meir

 

 

Sameining Glitnis og Landsbanka ólíkleg

Veldur sá er á heldur

Talsmaður OR leggur en í afsökunarsarpinn, nú svínga þeir OR menn inn að hækkunin sé líka tilkomin vegna viðhaldsverkefna (ekki bara uppbyggingar). Þessi málflutningur er jafn öfugsnúinn eftir sem áður.

Dæmi: Bónus opnar nýja sjoppu á Skaganum við það hækkar vöruverð í öllum verslunum Bónus. Í ofanálag dettur þeim Bónusmönnum í hug að dytta svolítið að nokkrum gamalgrónum verslunum, sú aðgerð eykur auðvita enn á þrýstinginn á verðhækkanir.

Þeir hækka, en ekki hvað? 

Skýringar OR eru tilbúningur. Að sjálfsögðu er í verðstrúktúr OR gert ráð fyrir bæði rekstri og viðhaldi allra kerfa stofnunarinnar, í þessum sama strúktúr er líka gert ráð fyrir því að byggja þurfi upp og já skila eigendum góðum arði.

Rétt er það OR vantar meira fé, það þarf að borga niður afskaplega slæma fortíð.

OR vantar meira fé