Hvort verður það Apple eða Cisco iPhone?

Það verður fróðlegt (og jafnvel gaman) að fylgjast með stríði Apple og Cisco um vörumerkið iPhone.

 

Mér fannst það skrýtið að horfa á Steve Jobs kynna nýjan farsíma Apple undir nafninu iPhone, í ljósi þess að yfirlýst var að Cisco ætlaði ekki að gefa Apple nokkurn grið.

 

Dótturfélag Cisco, Linksys hafði fyrir mögrum árum skráð vörumerkið iPhone og hafði Cisco ítrekað flaggað því undir lok s.l. árs að Apple kæmist ekki upp með að stela nafninu (ef ég man það rétt þá hafði Cisco þegar í nóvember hótað að fara í mál gegn Apple).

 

Ætli það sé ekki svo í hugum flestra að iPhone sé eitthvað tengt Apple, fæstir þekkja svo Linksys hvað þá einstakar vörur þeirra (ath. Linksys er einn stærsti framleiðandi á þráðlausum netbúnaði í heiminum). Þannig að á götunni hefur Apple vinninginn. Linksys hefur væntanlega betri stöðu þegar kemur að lagatæknilega þættinum.

 

En ég gef mér að hjá Apple hljóti fólk að hafa einhverja áætlun um vörn í málinu. Eða er kylfa látinn ráða kasti?

 

Þá spyr ég mig hvað ætli sé best fyrir Cisco og Apple í stöðunni? Óskir Apple blasa við, þeir vilja fá að nota nafnið og málið er dautt? En þeir vita vel að mun ekki gerast.

 

Staða Cisco er svolítið flóknari. Ef þeir vinna málið og Apple segir  "fine then we just call it iSomethingelse" þá hefur Cisco ekkert gert nema að styrkja stoltið, á því lifa menn víst ekki. Þannig að það er ekki málið fyrir Cisco og hjá Apple gerir fólks sér grein fyrir því.

 

Óska staða Cisco er að þeir vinni málið og Apple komi á hnjánum til þeirra með "please" á vörunum.

 

Einhverstaðar las ég að það sem Cisco vildi væri að Apple myndi með einhverjum hætti tryggja virkni með iPhone (Wi-Fi) við einhverja Cisco tækni gegn því að Apple fengi að nota nafnið. Mér finnst þetta vera trúlegt.

 

En stríðið er í fullum gangi og gerðist þetta í s.l. viku.:

 

 Í 31. janúar senda fyrirtækin frá sér sameiginlega fréttatilkynningu það sem sagt er frá því að Cisco hafi veit Apple frest til þess að svara ákærum og þann tími munu fyrirtækin nota til þess að ræða saman.

 

Daginn eftir er Cisco með auglýsingu í New York Times þar sem Linksys (og Cisco) kynnir iPhone .

 

iPhone vefur Apple er hér og síða Linksys fyrir iPhone er hér

 

Fréttatilkynning Apple og Cisco:

 

Joint Statement from Apple and Cisco Regarding iPhone

SAN FRANCISCO, Calif. January 31, 2007 - Apple and Cisco have agreed to extend the time for Apple to respond to the lawsuit to allow for discussions between the companies with the aim of reaching agreement on trademark rights and interoperability.

 

og auglýsingin í NYT.

 

Eðlilegt óeðli?

Þarna á ströndinni, þar sem barnaskipið strandaði

 

tekur grýtt fjaran á móti okkur

köld og blaut

 

þar brotna öldur tára og skola að landi

svörtum sandi synda, löðrandi í lygum

 

undir hverjum steini liggur saga, leyndarmál skipbrotsmanns

þessum steinum þorir vart nokkur að velta

 

undir einum er að finna skeyti frá angistinni,  sem segir:

 

vandalaus um lífið ráfa

á velferð valdsins treysti

barnsins böl

traust á skeri steytir

í skjóli stjórnar sadistar fýsnum svala

sálarinnar kvöl

 

verð að sofa, sofa

þá dauðans draumur kveður

endar dvöl

 

hvar er líflína vonar

þjóðfélagsins strengir sterkir

upprisan svöl

 

--- # ---

 

 

Getur það verið að það óeðli sem okkur hefur verið kynnt undanfarið sé eitthvað sem viðgengst á umönnunarstofnunum hverskonar, að þetta óeðli sé í raun eðlilegt á sumum stöðum?

 

Breiðavík, Byrgið, skýrslan um heyrnleysingjaskólann auk fjölda stakra mála, undanfarinn áratug eða svo hafa okkur borist fréttir af svona málum frá útlöndum: prestar á Írlandi, á Englandi og í Bandaríkjunum, trúboðum og starfsmönnum SÞ í Afiríku - ég er bara að telja upp eitthvað sem ég minnist í þessari andrá.

 

Vill einhver segja mér að þetta sé ekki að gerast í dag - segja mér það þannig að ég trúi.

Pandora, kista full af tónlist

Ég hef lengi ætlað mér að segja þeim sem kíkja á þessa síðu mína frá súper kúl "Netútvarpsstöð". Hún heitir Pandora og er þjónusta á Netinu sem streymir tónlist en gerir það á annan hátt en venjulegar Netútvarpsstöðvar.

Ég er ekki mikil tónlistarkall, kann ekki að svara spurningunni "hvernig tónlist hlutstar þú á?". Ég bara hlusta og ég veit hvort að mig líkar það sem ég heyri eða ekki.

Endilega kíkið á Pandora og ég reikna með að menn skilji strax hvers vegna þessi þjónusta er mér að skapi.

Einföld snilld! 

Hverjum er misboðið og réttlætiskennd einfeldnings

Það vakti athygli mína í fyrradag þegar ég sá í yfirliti innlendrafrétta á mbl.is að Hæstiréttur hefði kveðið upp þrá dóma yfir kynferðisafbrotamönnum sama daginn. Mín fyrsta hugsun var sú að það væri jafnvægi í þessu hjá dómnum: einn dómur léttur, einn staðfestur og sjá þriðji þyngdur.

 

Á þessum tímapunkti hafði ég enga ástæðu til þess að efast um að Hæstiréttur væri ekki samkvæmur sjálfum sér í dómum sínum.

 

Hef ég ástæðu til þess að efast núna?

 

Ég er ekki viss!

 

Ég hata og fyrirlít menn, fólk, sem misnotar börn sama í hverju sú misnotkun felst. Fyrirlitning mín og viðbjóður fer síðan eftir málavöxtum. En er þessi viðbjóður minn línulegur? Finnst mér tvöfalt viðbjóðslegra þegar brot beinist að 4 ára en þegar samskonar brot er gegn 8 ára barni? Eða er það verknaðurinn sjálfur, það er hvort um "fullnaðar nauðgun" hafi verið að ræða eða eitthvert "hálfkák" sem ræður ógeði mínu? Er það kannski hvernig atburðinum er lýst? Er nákvæmi lýsingarinnar ráðandi þáttur í viðbrögðum mínum? Skiptir það máli hver fremur brotið? Aldur og "fyrri störf"!

 

Ég kann ekki að svara þessu með neinni nákvæmni, en gef mér að blanda af þessu öllu og ýmsu öðru ráði viðbrögðum mínum. Fyrstu viðbrögð mín eru ósjálfráð - að baki þeirra liggur ekki einhver djúp greining á málinu.

 

Einfaldur sem ég er.

 

Þannig held ég að við séum flest. Einföld.

 

Í þessum efnum.

 

Það má vel vera að þrautþjálfaðir fagmenn sem koma reglulega að slíkum málum með einum eða öðrum hætti s.s. dómarar, lögmenn, sálfræðingar og blaðamenn bregðist við með öðrum hætti. Að þeir fari strax í kalda greiningu á málinu - geri samanburð á málsatvikum og dómum. Komist að útreiknaðri niðurstöðu.

 

Blá kalt.

 

Eðlilega má búast við því að fórnarlömb og aðstandendur þeirra bregðist við með öðrum hætti en við hin sem ekki þekkjum þessi mál "á eigin skynni".

 

Í hugum þeirra loga eldar.

 

Dómur götunnar er spontant og sem slíkur einfaldur - ekki alltaf fyrirséður, en oftast. Í þessum dómi eru dómendur stöðugt að störfum, dagsdaglega eru atkvæðin talin á kaffistofum og í saumbaklúbbum. En atkvæðin eru sjaldnast lögð saman og því engrar niðurstaðna að vænta.

 

Þótt dómur götunnar sé spontant, þá eru forsendur dómsins langt frá því að vera einfaldar. Þær byggja á ótal þáttum, sögu okkar og tíðaranda - fréttum gærdagsins frekar en óhlutlægu mati og rökhugsun þjálfaðra manna.

 

Nú í seinni tíð virðast það vera ýmis samfélög á Netinu (blogg, spjall) sem hvað mest áhrif virðast hafa á störf dómsins - þar á sér stað öflug umræða og þar eru skipulagðar og framkvæmdar talningar. Netið hefur valdið byltingu í allri umræðu og þá ekki síst samfélagsumræðu. Boðleiðir hafa styðst, viðbörgð við atburðum má merkja strax, þau er nánast hægt að mæla í rauntíma. Allir geta tekið þátt og fjölgar stöðugt í hópi þeirra sem það gera. Ég nota ekki orðið "bylting" oft til þess að lýsa breytingu, en hér á það við. Með Netinu hefur verið lagður grunnur að nýrri samfélagsgerð. Þekkingarsamfélagið er í burðarliðunum og með því ný birtingarmynd lýðræðisins.

 

Ég hef einu sinni átt beinna hagsmuna að gæta í máli sem fór fyrir Hæstarétt það mál tapaðist, mér fannst sá dómur vera algerlega glórulaus. Hefði svo sannarlega viljað fá tækifæri til þess að rökræða þessa  heimskulegu niðurstöðu við dómarana, manna sem greinilega vissu ekkert hvað þeir voru að gera. Þó svo að þetta hafi verið bitur reynsla þá þýðir það ekki að ég beri ekki virðingu fyrir Hæstarétti. En virðing mín er ekki skilyrðislaus langt því frá. Að grunni til liggja rætur hennar  í stofnun og skipulagi lýðveldisins og síðan í sögunni. En þessari virðingu verður aðeins viðhaldið af Hæstarétti sjálfum með störfum sínum. Almenningur, þjóðin mun fyrst og fremst meta störf Hæstaréttar með tilliti til þess samhljóms sem gætir með dómum réttarins og þjóðarsálarinnar.

 

Ég er EKKI að segja að Hæstiréttur eigi að "poppa" sig upp, en þeir verða að taka kúrsinn í humátt á eftir þjóðinni og sama gildir um löggjafann þar á bæ verða menn að skýra lög og leggja fínni línur.

 

Á sama hátt og dómarar vilja ekki (geta ekki) taka þátt í rökræðum við aðila sem hafa tapað máli fyrir réttinum um niðurstöður sínar þá verða þeir að þola gagnrýni á störf sín í þegjandi hljóði, þó þeim finnist að sér vegið með óréttlátum hætti og já jafnvel þó sú gagnrýni komi frá Morgunblaðinu.

 

Einmitt þá, þegar gagnrýni kemur úr þeirri átt virðist sem dómarar leggi við hlustir. Í morgun er birt í Mbl.  athugasemd frá Dómarafélagi Íslands þar sem ritstjórar Morgunblaðsins eru krafnir skýringa á forsíðufrétt blaðsins í gær. Ég veit ekki hvort að það sé algengt að félagið bregðist við gagnrýni á störf dómara á opinberum vettvangi, en óháð því þá finnst mér innihald þessa bréfs vera undarlegt.

 

Þar segir m.a. "Fréttaflutningur af dómsmáli með þessum hætti á sér enga hliðstæðu og fer langt út fyrir eðlileg mörk ..."  Hver eru þessi mörk sem talað er um?  Hverjir drógu þá línu sem þau marka?

 

Bréfið heldur áfram "... og með engu móti verður skilið hvers vegna dómendur eru persónulega dregnir fram með myndbirtingum vegna umfjöllunar um dóminn."  Hvers vegna ekki? Blaðið telur að þessir menn hafi gert alvarleg mistök, þeir eru ábyrgir fyrir störfum sínum. Dómur götunar verður að ná til Hæstaréttar eða öllu heldur þeirra einstaklinga sem hann fylla. 

 

Meira úr bréfinu "Það voru fleiri dómar kveðnir upp í  kynferðisbrotamálum í Hæstarétti þennan sama dag. Í öðru máli var refsing þyngd og skilorð tekið af. Ekki var minnst á það." Ég get svo sem tekið undir þetta sjónarmið, Mbl. hefði vel mátt geta þessa í nokkrum orðum. En annars finnst mér þessi athugasemd vera gjörsamlega út í hött. Hvað hefur þetta með efnistök Mbl. að gera á því mál sem þeir kusu að fjalla um? Máli þar sem þeir telja að þjóðinni sé misboðið.

 

Hvað eru menn eiginlega að fara; vegna þess að við þyngdum einn dóm þá er það bara í góðu lagi að við léttum annan. Hverskonar eiginlega andskotans rugl er þetta. Þessi þrjú mál hafa ekkert með hvert annað að gera og það á ekki að tala um þau í sömu andránni - dómarar vita það manna best.

 

Þessi athugasemd er í besta falli óheppilegt, í versta falli ber hún vitni um að í réttinum styðjist menn við vafasama mælikvarða vægast sagt.   

 

Á ég sem borgari þessa lands kröfu á skýringu frá dómarafélaginu á þessu atriði? Eins og þeir telja sig eiga skýlausa kröfu á skýringu frá ritstjórn Mbl.

 

Það vita dómarar líka vel að dómur götunar dæmir sjaldan þegar verk er unnið með eðlilegum hætti, jafnvel ekki þegar óvenju vel er gert. Hann er hins vegar fljótur til þegar fólki er misboðið. Hvað er óeðlilegt við það að Mbl. spegli skoðun almennings? Ég get ekki séð að blaðið hafi verið ómálefnalegt í frétt sinni, en því er haldið fram í bréfinu.

 

Þvert á mót.

 

Forsíða og myndir! Já sennilega er það myndbirtingin á forsíðu sem fer fyrir brjóstið á dómurunum en ekki efni fréttarinnar.

 

Ritstjórn morgunblaðsins tekur þetta mál fyrir í leiðara blaðsins í dag. Þar nota þeir hugtakið réttarvitund. Að mér læðist sá grunur að "réttarvitund" sé ekki rétta orð í þessari umræðu. Réttlætiskennd

held ég að eigi betur við.

 

Einfeldningurinn ég ber lítið skynbragð á refsiramma íslenskra laga eða sögulega nýtingu hans. Ég hef því litla réttarvitund í þessum skilningi. Ég er sannfærður um að ef fólk yrði spurt nokkurra spurninga um refsingar við hinum og þessum afbrotum að þá fengjum við ansi skrautlega niðurstöðu. Það sem ég er að segja er að í réttarvitund fólks er ekki innifalin góð tilfinning fyrir refsirammanum. Ætli það liggi ekki nærri að þessi vitund lúti fyrst og fremst að því hvað sé rétt og hvað sé rangt. Perraskapur við börn er einfaldlega alvarlegt brot og þegar brotið er ítrekað og svo ekki sé talað um ef það beinist gegn mjög ungum börnum þá á einfaldlega að dæma til þyngstu refsingar.

 

Mildun dómsins var því röng í hugum almennings.

Einfalt sem fólk getur verið. 

Hæstiréttur styttir dóm yfir kynferðisglæpamanni

SNAFU í USA

Ég bloggaði um þessa frétt fyrr í kvöld án þess að hafa tekið eftir fréttinni hér á Mbl. sjá blogg mitt hér.

Svo sá ég að í blaðinu (Mogganum þá) í dag (bls. 16) segir í fyrirsögn "Misheppnuð markaðssetning" og undir þýdd frétt frá AFP. Ég velt því fyrir mér hvort að auglýsandinn Turner Brodcasting System Inc. sé á sama máli. Þar á bæ voru menn vissulega fljótir að senda frá sér afsökunarbeðni. En ansi er ég viss um að á göngunum sé sagt "Yesss, yeaha, wow, damn did we get throug - give me five"

Ætli árangur TBS sé ekki margfaldur miðað við það sem lagt var upp með. Fín samantekt um þetta er á CNN (sem er dótturfyrirtæki TBS). 

Mistök já.
Misheppnuð nei. 

Tveir verða ákærðir vegna umdeildrar auglýsingaherferðar í Boston

Gott dæmi um SNAFU. Er kaninn alveg að tapa sér?

Bostonborg fór á hvolf í gær (31.jan). Einhver fékk þá flugu í höfuðið að lítil og einkar sakleysisleg ljósaskilti væru sprengjur.  Yfirvöld tóku þessu alvarlega og var almannavarnakerfi borgarinnar sett á fúlsvíng. Við þetta stöðvuðust m.a. nokkrar helstu umferðaræðar borgarinnar. Öllu þessu hafaríi er um að kenna markaðsetningarherferð fyrri vel þekkta teiknimyndaþætti; "Aqua Teen Hunger Force" eða "Adult Swim".  Hérna má sjá vefsetur þáttarins.

Það má lesa allt um þetta á CNN og reyndar á öllum öðrum fréttavefum í vesturheimi

Mitt álit er að menn verða að fara slaka aðeins á þarna vestann við poll.

Mín spá er svo sú að "you ain't seen nothing yet" - þetta er aðeins byrjunin. Takið eftir því að þetta "gigg" hefur verið á öllum stóru sjónvarpstöðvunum í dag og í gær, hefur væntanlega verið á forsíðum morgunútgáfu stórblaðanna, nú allir vefmiðlarnir hafa gert þessu góð skil og auðvita lætur bloggarasamfélagið ekki sitt eftir liggja (sbr. þessi skrif mín). Getur einhver ímyndað sér ódýrari og skilvirkari aðferð til þess að vekja athygli á sér? Nokkur áþekk dæmi hafa vakið gríðarlega athygli (t.d. stillfree) og hef ég skrifað um Hverfipunkt Microsoft sem er af þessu sama meiði. Fréttafár er einfaldlega svo gefandi að menn munu gera út á þetta í auknu mæli (þó svo að það hafi ekki verið ætlunin í þetta skiptið).  

ES. SANFU = Situation Normal All Fucked Up

Myndir af dæmigerðum "sprengjum" - þær (skiltin það er) hafa víst verið til sölu á Ebay.

 

Óeðlileg yfirsýn!

Neðanritað er tekið úr frétt um sama efni fyrr í dag: 

"Ingibjörg Guðmundsdóttir, fulltrúi ASÍ á fundinum, sagðist treysta því að allir eigi eftir að leggjast á eitt til að breytingarnar skili sér til heimilanna. Þá sagði hún stóraukið verðlagseftirlit vegna breytinganna þegar vera komið í gang og að sambandið muni fylgjast með verðlagi á 6{00} til 800 vörutegundum í 90 verslunum bæði fram að breytingum og eftir að þær hafa átt sér stað. Þessar upplýsingar verða þó ekki aðgengilegar almenningi fyrr en eftir 1. mars þegar unnið hefur verið úr þeim enda segir Ingibjörg þær að öðrum kosti geta veitt kaupmönnum óeðlilega yfirsýn yfir þróunina í öðrum verslunum."

Bíddu bíddu...

Og?

Er ekki einmitt upplagt að almenningur og kaupmenn fái góða yfirsýn yfir verð á helstu nauðsynjum sem allra fyrst.

Gott fyrri kaupmenn að geta lagt niður eigið verðeftirlit, sem mér skilst að sé nokkuð umfangsmikið, í nokkrar vikur og notað þá starfskrafta sem því sinna að öllu jöfnu í að verðmerkja allar vörurnar sem þeir eru að lækka um circa 15%.

Annars vekur fjöldi þeirra verslana sem skoða á verð í, upp hjá mér spurningar. Níutíu matvöruverslanir? Hvað erum við að tala um 21 * Bónus, 8 * Hagkaup, 10  * 10-11, 11 * Nótatún, 11 * Krónan , 9 * 11/11, 30 * Nettó, Samkaup, Nettó og svo 1 * Fjarðarkaup.

Eru þetta ekki nánast allar matvöruverslanir í landinu?

Annar er þetta bara hið allra besta mál.

Viðskiptaráðherra: Mikilvægt að efla neytendavitund landsmanna

Öðruvísi mér áður brá

Glæsilegt!

Negldir eða ónegldir? Ég ætla mér ekki að taka þátt í umræðu um kosti eða galla, öryggi eða ónauðsyn.

Sjálfur kýs ég að negla ekki.

Það sem hins vegar er flott við þessar hugmyndir umhverfisráðherra er að hér kveður við nýlegan tón - EKKI á að HÆKKA álögur á negldudekkin heldur á að LÆKKA gjöld á þau ónegldu.

"Lækkunarhugsunar" gætir í auknu máli hjá stjórnvöldum og er það vel. Nú er bara að vona að þessi hugsun verði ríkandi hjá bákninu í heild sinni til lengri tíma.

Tökum okkur öll saman og klöppum fyrir þessu litla en mikilvæga skrefi.

Báknið burt! 

Vilja lækka gjöld á ónegldum hjólbörðum

Forsetinn, Bill Gates og framtíðin

Ég var að lesa yfir ræðu Ólafs Ragnars sem hann flutti á Microsoft Government Leaders Forum í gær (30.jan) í  Edinburgh, nokkuð góð ræða svona heilt yfir.

 

Það eru að vísu slæmir kaflar þarna innan um, svona rétt eins "strákarnir okkar" hefðu verið á ferð, einnig er hann ekki alveg að nota það "lingó" sem menn nota í bransanum. En það er svo sem ekki við því að búast enda maðurinn alls ekki í bransanum. Eins og menn vita þá er hann í: Forseta (og stundum ekki) bransanum.  

Það er víst topp jobb.

 

Ég er að velta því fyrir mér hvort að Ólafur Ragnar ætlaði sér virkilega að vera "kúl" eða hvort það var "bara óvart" þegar hann segir:

"It is a paradox of our times that although the economies of France, Germany, Great Britain and the other G8 countries form an exclusive club, ..."

 

Nei bara svona í ljósi þess að Bill Gates og Microsoft eru frá BNA er þá ekki svolítið undarlegt að hann skuli skella því ágæta stórveldi í flokki með öðrum.

 

Sísona.

 

Ólafur Ragnar hefði líka vel mátt slá meira um sig þegar hann telur upp kosti Íslands sem kjörlendis fyrir þróunar- og  prófunarstarf.  Hann hefi getað tilgrein hátt menntunarstig og tví- eða fjöltyngi þjóðarinnar - hann hefði getað sagt okkur vera þarna í hæðstu hæðum (satt eða logið), flengja því svo fram að hér væri kaupgeta Jóns með því allra mesta á byggðu bóli (svo ekki sé nú talað um hann séra Jón). Ég held að strjálbýli og landfræðileg einangrun sé líka eitthvað til að hamra á - en einmitt þeir þættir gera okkur Íslendinga sérstaka. Það er slatti af fámennum smáríkjum í þessum heimi, en fá eru þau sem byggja jafn stórt land og við (ORG snertir reyndar aðeins á dreifbýlinu í máli sýnu) og engir sem gera það eins vel og við.

 

Vel hefði farið á því ef Ólafur Ragnar hefði tekið nokkur raundæmi um hversu langt við Íslendingar erum komnir í hagnýtinu okkar á Netinu þegar ríkið á í hlut. Til að mynda hefði mátt segja frá því að 90%+ allra skattskýrsla sé skilað rafrænt og að næstum öll tollafgreiðsla sé það líka. Fjármálamönnum (sem vafalaust hafa verið margir í hópi hlustenda) hefði þótt fróðlegt að heyra að nánast allir einstaklingar og fyrirtæki geri bankaviðskipti sín á Netinu.

 

Á menningarlegum nótum hefði það svo verið töff að dengja fram fullyrðingu um að hægt sé að lesa nánast öll dagblöð og tímarit sem út komu á s.l. öld á Netinu - "free for all". Nokkuð impressíft söff.

 

Reyndar verðum við að drífa í því að koma handritunum okkar á stafrænt form þ.e. sem er nothæft almenningi. Í þessu samhengi má til gamans geta þess að The British Library hefur gefið út nýja útgáfu af "Turning the Pages" sem er sérstaklega þróuð fyrir Windows Vista. Á vef BL er hægt að skoða fjölda meistaraverka m.a. vinnubækur Leonardo da Vinci þar á meðal s.k. Codex Leicester sem einmitt Bill Gates á. Hann keypti þær á uppboði 1994 fyrir 30.8M USD. Súper díll, býst ég við. Reyndar segir sagan að frúin hún Melinda hafi ekkert verið alltof glöð þegar hann mætti heim og tjáði henni að hann hefði keypt eldgamla rissbók fyrir þessa upphæð. 

 

Í áratugi hafa menn  í upplýsingatæknigeiranum flutt sama mál og Ólafur Ragnar talar nú um í ræðu sinni. Þessi hugmynd lítur að því að Ísland séu öðrum löndum betur fallið til þess að þróa og prófa tækni og tól framtíðarinnar á.

 

Persónulega hef ég rætt þessi mál við fulltrúa nokkurra tæknifyrirtækja í gegnum tíðina, þar á meðal menn hjá Microsoft - oftast hafa þetta nú bara verið einhverjir Jónar, stöku meðal Jón hef ég þó nælt í og í það minnsta einn séra Jón. Mér hefur líka alltaf fundist það meika sens að fá hingað fyrirtæki eins og Intel eða AMD, en framleiðsla örgjörva og minnisrása krefst talsverðar orku.

 

Ísland er best!

 

Við höfum svo sem séð nokkur smá skref í þá átt að útlend tæknifyrirtæki vilji gera eitthvað hér og þó svo að okkur hafi ekki enn tekist að laða til okkar stór dæmi þá er það einungis spurning um tíma. Framlag Ólafs Ragnars mun án nokkurs vafa hjálpa til.

 

En hvers vegna hefur ekki tekist að laða hingað fyrirtæki úr UT geiranum? Fyrir því eru margar ástæður og er nauðsynlegt fyrir okkur að kafa vel ofan í þessa þætti sem fyrst. Akkúrat núna dettur mér þetta í hug:

• Þvert á viðtekna skoðun þá er hér skortur á hæfu vinnuafli 
• Netsamband okkar við umheiminn, algjört lykil atriði í þessari umræðu, er fjarri því að standast skoðun
  
• Markaðurinn er lítill og einsleitur
  

 

Nú svo má spyrja, hvers vegna íslensk stjórnvöld (hum og atvinnulífið) hafa ekki rutt þessa braut betur? Höfum við ekki haft nægilega sterka trú á hugmyndinni?

Ég ætla að enda þetta hjá mér á niðurlagi úr ræðu Ólafs Ragnars en það hljómar svo:

"Those who realise early on that the 21st century will be a renaissance era for democratic and technologically advanced small states will gain a competitive advantage in the years to come."

Það verður bara að segjast eins og er að ég skil ekki alveg hvað hann er að segja, því gerði ég tilraun til þess að þýða textann: 

Þeir sem átta sig snemma á því að þessi öld mun vera endurreisnartími fyrir lýðræðislega og tæknilega langt komin smáríki munu öðlast samkeppnislega yfirburði til framtíðar.

Einmitt það já!

Bill Gates tók vel í boð um að koma til Íslands

Windows Vista hjálpar foreldrum að efla öryggi barna sinna.

Á næstunni munum við fá nóg af fólki sem verður að rífast og rausa, tuldra tuða og tauta um kosti og aðallega  galla Windows Vista.

 

Þegar heyrist mikið talað um að Vista sé þungt í keyrslu og minnki þar með afköst tölva og því er líka haldið fram að endingartími rafhlaðna í fartölvum styttist verulega eftir uppsetningu. Sjálfur tel ég of snemmt að alhæfa um áhrif Vista á þessa þætti. Framleiðendur eru í óða önn við að stilla sín kerfi af og er rétt að bíða og sjá hvaða árangri menn ná - taka stöðuna eftir hálft ár eða svo.

 

Hvað um það; við eigum eftir að heyra að Vista sé handónýtt drasl, míglekur hrærigrautur, leðja og annað í þeim dúr.

 

Þótt það sé sennilega ekki rétt að hvetja fólk - almennt - að stökkva til og uppfæra tölvuna sína þá er það nú samt með það eins og annað að aðstæður eru mismunandi og sýn og þarfir fólks eftir því. Fyrir þau ykkar sem eruð í tölvukaupa hugleiðingum þá er um að gera að drífa sig og kaupa tölvu með Windows Vista.

 

Eitt atriði sem er nýtt í Windows Vista og tengist mjög þeirri umræðu sem hefur verið í gangi undanfarið um öryggi barna á Netinu gæti verið ástæða til þess að uppfæra. Hér er um að ræða innbyggða "foreldra stjórnun" (e. parental control) Vista.  Sem fer fram í gegnum aðgangskerfi stýrikerfisins.  Með því er hægt að setja reglur um notkun hvers og eins notanda. Mælt er með því að allir sem nota tölvuna séu skráðir notendur og hver og einn noti sitt notenda auðkenni. Sem þýðir að notandi með stjórnendaréttindi  (e. administrator) er ekki notaður dags daglega, en sá notandi getur stýrt eiginleikum annara notenda. Barnið eða börnin eru svo skráð sem sér notendur á kerfið og er þannig að hægt er að skilgreina ýmsa eiginleika í Vista fyrir barnið.

Eftirfarandi er listi yfir þau atriði sem foreldrar geta stillt og tengjast foreldrastjórnun Vista:

• hægt að láta Vista skrá notkun valinna notenda
• það er hægt að setja síu á þær síður sem barnið má skoða
• hægt er að banna niðurhal skráa
• hægt er að skilgreina þá tíma sem barnið má ekki nota tölvuna
• þegar leikir eru ræstir þá getur Vista skoðað hvort að leikurinn henti notandanum
• hægt er að leyfa eða banna keyrslu ákveðinna forrita

Þessi innbyggða foreldrastjórnun er alls ekki hin eina sanna lausn, en er svo sannarlega stórt skref til framfarar.

 

Munið að foreldrar hafa að geyma lykilinn að öryggi barna sinna á Netinu, rétt eins og annarsstaðar í daglegu lífi þeirra.

 

Ég mæli með því að allir foreldrar/forráðamenn að kynni sér "Öryggi heima fyrir" síðu Microsoft sem er að finna hér: http://www.microsoft.com/athome/security/default.mspx og þar undir: http://www.microsoft.com/mscorp/safety/technologies/familysafety/default.mspx

 

Eins er Childnet International kjörinn staður til þess að kynna sér öryggismál barna og unglinga.

 

Microsoft bendir sérstaklega á þrjá vefi sem uppsprettu góðra upplýsinga um þetta efni:

iKeepSafe.org

staysafe.org

NetSmartz

 

Svo er hægt að finna fjölda tengla á vef SAFT:  http://www.saft.is/tenglar/

 

Síðan má benda á tvö vel þekkt Netsíuforrit:

 http://www.cyberpatrol.com/

 http://www.netnanny.com/

 

PS. Áfram Ísland, við tökum þá 33 - 30

 

Windows Vista í verslanir í dag

Hverfipunktur Microsoft kominn á loka stig!

Í fyrradag var síðasti vísbendingaratburðurinn í þessum stórbrotna leik Microsoft sem er hluti af kynningaátaki þeirra á Windows Vistan - í þetta skiptið fólst viðburðurinn í geislasýningu og ótrúlegri flugeldasýningu. Í flugeldasýningunni eru svo faldar vísbendingar sem nauðsynlegar eru við lausn þrautanna.

 

Ég hvet alla sem hafa gaman af góðum þrautum til þess að reyna sig. Hver veit nema að þú sér á leiðina út í geim með 500þ dollara í vasanum!

 

Eins og minntist á í bloggi mínu (sjá hér) um daginn þá er ég þeirrar skoðunar að hér sé um að ræða þá smitmarkaðsherferð (e. viral marketing campaing) sem mest hefur verið lagt í fram til þessa (reyndar finnst mér vanta upp á lókal töddsið). Það er líka rétt að ítreka að ég taldi mig ekki hafa afl (tíma og hugarorku) til þess að ráðast af alvöru í það verkefni sem þessi leikur er. Ég vildi samt kynna mér leikin betur og greip því til þess ráðs að svindla. Kláraði þannig fyrsta hluta (af fjórum) með hjálp sem ég fann á Netinu.

 

Nú hef ég ákveðið að reyna að klára leikinn, án þess að svindla, ætla ég bara að gefa mér þann tíma sem ég þarf (m.ö.o. þá teka tímaþáttinn út úr jöfnunni) - svo er bara að vona að Microsoft leyfi vefnum að lifa áfram næsta árið eða svo!

 

Endilega kíkið á vanishingpointgarme.com (smellið hér) 

Almenn sala á Windows Vista hefst á morgun

Intel segir þetta mestu breytingu í sögu örgjörvans í 40 ár

1965 lýsti einn af stofnendum Intel, Gordon Moore framtíðarsýn sinni þar sem hann spáði því að afl örgjörva myndi tvöfaldast á u.þ.b. 2 ára fresti (í gegnum fjölgun transistora á hverjum kubb). Þessi kenning hefur síðan verið kölluð Moore lögmálið. Myndin hérna til hliðar er af upprunnalegu uppkasti Moores.

Hjá Intel hafa menn alla tíð síðan lagt sig fram til þess að viðhalda þessari kenningu. En á sama tíma hefur fjöldi manna keppst við að sína fram á að tími Moore lögmálsins sé liðinn. Prófið að gúggla "end of Moore's Law". 

Intel menn hafa hengt sig á lögmálið, þar á bæ ætla menn sér að sanna að það standist. Hvar sem ég hef farið og hlustað á fulltrúa Intel (m.a. Andy Grove og Craig Barret) tala um vörur sínar og framtíðar horfur í þróun þeirra er minnst á Moore lögmálið og sýnt að Intel hafi staðið sýna vakt. Þeir eru sannfærðir um að lögmálið haldi, það er hluti af framtíðarsýn fyrirtækisins. Má í raun halda því fram að kenningin sem slík hafi átt nokkurn þátt í því að þrýsta á um framfarir í þróun örgjörva.

Ætli Moore lögmálið sé ekki fyrsta flokks dæmi um hvernig skýr og yfirlýst stefna getur hjálpað fyrirtækjum (og vitaskuld einstaklingum) við að ná markmiðum sínum.  

Hér (slóð) er hægt að skoða kynningarefni Intel í tengslum við þessa frétt. Myndin hér að ofan sýnir hvernig örgjörvar frá Intel raðast í góðum takti við lögmál Moores, ég fann ekki uppfært graf m.v. 45nm kubb - smelli henni inn þegar ég finn hana.

En það hafa ekki allir forkólfar í tölvugeiranum reynst jafn sann spáir og Moore. Er ekki rétt að rifja upp nokkur vel þekkt dæmi:

• Everything that can be invented has been invented.
- Charles H. Duell, Commissioner, U.S. Office of Patents, 1899 (ekki beint í bransanum en fær að fljóta með)
• "I think there is a world market for maybe five computers."
- IBM Chairman Thomas Watson, 1943
• Computers in the future may have only 1,000 vacuum tubes and perhaps only weigh 1 1/2 tons.
- Popular Mechanics, 1949
• "There is no reason anyone would want a computer in their home."
- Ken Olson President of Digital Equipment Corporation, 1977
• "640k ought to be enough for anybody."
- Microsoft Chairman Bill Gates, 1981
• "I wouldn’t put my company on the Internet. 
- Ken Olson Chairman Modular Comuter System, 1996

Og þessu tengt:

The Internet is a great way to get on the net.
- Senator Bob Dole
How could this be a problem in a country where we have Intel and Microsoft?
- Al Gore on Y2K (aldarmótavandinn)

During my service in the United States Congress, I took the initiative in creating the Internet.
- Al Gore describing his 1986 legislation to interconnect five supercomputer centers (17 years after the first Internet servers hooked up)
If Gore invented the Internet, I invented spell-check.
- Former Vice President J. Danforth Quayle
The day I made that statement, I was tired because I'd been up all night inventing the Camcorder.
- Al Gore attempting damage control

Hraðvirkari tölvuörgjörvar væntanlegir

Það kveður enn við sama tón, undarlegur andsk...

Hverng stendur á því að þessir snillingar, og ég er að meina snillingar, í Davos detta allir í sama ruglið aftur og aftur? Þeir virðast hafa ríka þörf fyrir að setjast í stól "stóra bróður" og þaðan vilja þeir passa upp á okkur öll hin. Ég kom inn á þetta í gær líka (sjá hér). Eftirfarandi tók ég úr frétt Mbl.:

"Þeir ræddu einnig um þær hættur, sem stafa af því að ljósmyndir og myndbönd úr farsímum eru sett inn á netið nánast stjórnlaust, svo sem myndbandið sem sýndi aftöku Saddams Husseins, fyrrum forseta Íraks. Slíkar myndir geta valdið uppnámi og óeirðum og nánast ómögulegt er að koma böndum á þessa fjölmiðlun."

Það er ekkert NÁNAST stjórnlaust eða NÁNAST ómögulegt, það er einfaldlega stjórnlaust og ómögulegt.

Punktur.

Og trúið mér að það verður síðan bara enn meira ómögulegt - ef það er hægt að orða það þannig - þegar fram líða stundir.

Vitaskuld geta allar stóru veiturnar á Netinu (t.d. eins og YouTube) gert hvað sem hægt er til þess að takmarka innsetningu slíks efnis en það verður ekki hægt að stöðva dreifingu eins eða neins í grasrótinni. Sorrý.

Þessir gæjar vita allir betur - það veit ég. 

YouTube ætlar að deila tekjum með notendum

Brown og aðrir vitleysingar gegn Al-Qaeda!

Brown benti á að það væru yfir sex þúsund vefsíður á Netinu sem væru tengdar Al-Qaeda. Gagnrýndi hann stjórnvöld til þess að beita sér ekki frekar gegn dreifingu efnis öfgasamtaka á Netinu.

Að reyna að hamla (væntanlega með einhverskonar bönnum) dreifingu efnis öfgasamtaka á Netinu er algjörlega glórulaus hugmynd.

 

Hvað á að banna? Hvað eru öfgasamtök? Hver á að banna? Hverjum á að banna og hverjum ekki? Má tildæmis greiningadeildin hans Björns skoða svona efni en ekki ég? Hvernig á að fylgja banninu eftir? Hversu lengi á bannið að gilda? Hver eru viðurlög við því að brjóta bannið? Er ég sekur ef ég sæki efni sem einhver hefur, þvert á bannið, komið á Netið? En hvað ef ég opna póst sem inniheldur óhollt öfgaefni?

 

Og hvað þá?

Ég veit, hum, eða gef mér að Gordon Brown sé ekki vitlaus, ekki frekar en flestir aðrir "Bránar" þessa heims. Í þessari frétt verðum við aðeins vitni af sömu gömlu góðu sögunni, sem er sú að menn (sérstaklega þeirrar gerðar sem kallast stjórnmálamenn) falla í "auðveldisgildruna". Í þessu tilfelli felst hún í því að segja eitthvað sem hljómar pólitískt rétt. Ef eitthvað annað er sagt liggur fyrir að menn þurfa að fara að útskýra sig - eyða tímum í rökræðu. Rökræða er líka of flókin fyrir fólk, svona venjulegt fólk þú veist! Fólk á bara að treysta okkur, jamm jamm, bann er best.

 

Það er nú líkast til. 

 

Það er ekki hægt að segja í öðru orðinu "allt er opið" en í hinu orðinu "nema það sem við viljum loka". 

Þekkingarsamfélagið (sem er vonandi sú samfélagsgerð sem flestar þjóðir stefna í) verður að styrkja "siðferðisbakbein" sitt, svo að við getum þolað öfga og öfugugga og perraskap og perrverta og allan þeirra málflutning, sí aukin og endalausan.

 

Frjálst og óhindrað.

 

Sjáið hvernig bandaríkjamenn hafa farið fram  í stríðinu gegn hryðjuverkum, þeir ganga hvatlega fram, með offari segja sumir og hver er árangurinn? Drullufúlir og pirraðir flugfarþegar er sennilega ein algengasta birtingarmyndin. Það er svo sem meinlaus mynd, leiðinleg mynd en meinlaus. Hvað haldið þið að þúsundir saklausra einstaklinga hafi þurft að þola í formi eineltis og frelsissviptinga? Þeirra mynd er hryllingsmynd.

 

Hvernig styrkjum við okkur svo? Áreiðanlega ekki með því að bregða skugga á sannleikann eða hylja skoðanir þeirra sem fara gegn viðteknum skoðunum og gildismati okkar.

 

Þvert á móti. 

 

Förum í Netheim og röltum aðeins um, sjáum hvort við finnum ekki terrorista á hverju strái. Ég byrja á á wikí. Stendur heima - ég finn þarna allt sem ég taldi mig þurfa að vita um þessi villimannasamtök og meira til.

 

Ég tók líka gúgl æfinguna; "al-qaeda" skilar 18,7 milljón tilvísunum og "al-qaida" 2,1 m tv.

 

Aðeins.

 

Hamas skilar 19m t.v.

Hezbollah/Hizbollah/Hizballah - 14,1/2,4/1,3 m tv.

Egyptian Islamic Jihad gefur ekki nema 1,35m tv. (þessir gæjar verða að fá sér nýtt péerr teymi)

Bader-Meinhof gefur ekki nema 19.800 tv. - augljóslega deyjandi ef ekki dautt dæmi.

IRA olli mér nokkrum vandræðum, leitin skilar um 70m tv. og þar efst á blaði Icelandic Radio Amateurs :-). Ef ég leita eftir "Irish Republican Army" detta í hús 750þ tv.  En "IRA og Army" saman gefa 1,5m tv., "IRA og Irish" skila 1,35m tv. og "IRA og terrorism" skilar 1,26 m tv. Ég áætla að hreinar tilvísanir í IRA séu um 2m.

Þessi saga endurtók sig svo fyrir ETA þar dúkkuðu upp um 54m tv. en "ETA basque" skilaði 1,1m tv., "ETA spain" = 1,3 m tv og "ETA terrorism" = 900þ tv., þannig að ég ef mér 1,5m tilvísanir.

 

Ég kíkti á fullt af þessum tilvísunum bæði fremst í listanum og eins fór ég frá síðu 10 eða svo og það verður nú að segjast eins og er að það er mun auðveldara að finna síður sem eru á móti hryðjuverkum en þeim sem eiga að vera á vegum einhverra brjálæðinga. Satt að segja fann ég enga síðu sem beinlínis prómóteraði hryðjuverk, sú sem komst næst því var http://www.hizbollah.org/. 

 

Ég eyddi svo sem ekki miklum tíma í að vafra stefnulaust um vefinn með þessum hætti, en tilraunin staðfestir grun minn um að góður vilji er nauðsynlegur í farteskinu ef finna á eitthvað af þessum sexþúsund síðum Bránsins. 

 

Þekkingarsamfélagið er greinilega í góðum gír ....

 

Þetta er vel í takt við sögu sem fyrrum fíkniefnaneytandi sagði mér fyrir mörgum árum. Ég hafði spurt hann hvernig í fjandanum hann kæmist svona auðveldlega yfir dóp, sjálfur hafði ég varla séð slíkt. Taldi ég mig nú samt vera nokkurt partýdýr (ekkert villidýr en samt....). Svarið var eitthvað á þá leið að fyrir honum væru dópsalarnir eins og vitar, hann yrði þeirra strax var hvar og hvenær sem er og að sama gilti í raun um þá sem væru í neyslu.

Heldur einhver að hægt sé að uppræta al-Qaeda með þögninni? 

Besta leiðin til þess að verjast hættu af þessu tagi er að vera opin, miðla upplýsingum óheft - í þessu tilfelli er besta vörnin sókn. Tryggjum að nógar upplýsingar séu til staðar sem skýra "okkar" sjónarmið.

 

Þetta skjal sem er handbók fyrir hryðjuverkamenn fann breska lögreglan við húsleit hjá al-Qaeda liðum er dýpsta efnið sem ég fann í dag. það er alveg á hreinu að lestur þessarar handbókar gerir ekki annað en að sannfæra mig um að þarna fara klikkaðir einstaklingar.

 

Hérna er svo hægt að finna frekari upplýsingar http://www.terrorism101.org/.

 

Eins og þess sé þörf. 

Litlar hindranir fyrir öfgamenn að koma skoðunum sínum á framfæri

1. verðlaun ferð út í geim í Hverfipunkti Microsoft - ég er smitaður!

Ég fór inn á vefsetur í fyrradag, hafði ætlað að kíkja á það í nokkurn tíma, ég var ekki búinn að skoðað síðurnar lengi þegar ég fann að ég hafði smitast. Þetta dæmi var eitthvað sem greip mig á svipstundu. Ég er að tala um vefsetur sem hýsir Hverfipunktsleik (e. vanishing point) Microsoft. Vefur þessi snýst um leik og er hann sá allra flottasti þrautaleikur sem ég hef séð á Netinu (hum, allstaðar). Smá bakgrunns upplýsingar um mig; ég er Myst maður (sjá líka hér á wikí). 

Ég tók eftir því einhverntímann undir lok síðasta árs að á tæknibloggum sem ég skoða reglulega, var verið að tala um eitthvað gigg hjá Microsoft. Ég var ekkert að elta þetta uppi þá, enda virtist dæmið aðeins vera fyrir fáa útvalda. Það var svo þegar ég var að fylgjast með umræðunni í kringum opnun CES í janúar (7 til 10 jan.) að ég fór að lesa meira um hvað þetta snérist, það var svo ekki fyrr en í gær að ég fór sjálfur í gang. 

Og vá...

Þvílík hugmynd, þvílík útfærsla og þvílík framkvæmd.

Leiknum er skipt upp í fjóra kafla og í hverjum kafla eru 12 þrautir. Hver kafli byrjar með vísbendingar atburði sem er lifandi sýning einhverstaðar í heiminum. Opnunar atburðurinn var við Bellagio hótelið í Las Vegas og var notast við gosbrunnasinfóníu Herra Wynns til þess að búa til tjald fyrir leisergeyslasýningu af bestu gerð. Í þessari sýningu koma fram ýmsar vísbendingar sem eru nauðsynlegar við lausn þrautanna (myndband af sýningunni er á vefnum).

Næsti atburður fór fram á nokkrum stöðum í heiminum, í þetta sinn var skrifað í skýin - bókstaflega. Flugvélar teiknuðu vísbendingar í skýin. Þriðji atburðurinn fór fram um s.l. helgi en þá voru nokkrar þekktar byggingar víðsvegar um heiminn skreyttar með ljósvarpi. Um næstu helgi verður svo stórveisla í Redmond þar sem síðasti vísbendinga atburðurinn fer fram. Leikurinn klárast síðan þann 30. jan.

Ég get sagt það hér og nú að fyrir mig eru þrautirnar einfaldlega alltof erfiðar (eða á ég kannski frekar að segja að ég hafi ekki nægilega margar klukkustundir í sólarhringnum). Ég gat leyst þrjár þrautir (2 * easy, 1 * medum) í fyrsta kafla þegar ég sá í hvað stefndi. Ég vil meina að það sé nánast ekki hægt að leysa sumar þessara þrauta upp á eigin spýtur. Virðist mér á umræðunni að útvaldi hópurinn hafi fengið og sé að fá ýmsar vísbendingar sem aðrir fá ekki.

Ég gafst upp.

Ég hvet hvern þann sem áhuga hefur á góðum þrautum að kíkja á vanishingpoint.com og reyna við þrautirnar. Allir sem hafa áhuga á markaðssetningu ættu líka að drífa sig.

Hér má finna allt um hverfipunktinn - líka lausnirnar!

Ég kaupi samt ekki Vista ULNSE!

Vilhjálmur Hlið þriðji og félagar í Redmond eru ekkert annað en snillingur og kannski eru það einmitt  svoleiðis snillingar sem geta selt nánast hvað sem er. Ég skrifaði um einn varíant af Windows Vista fyrr í dag: Billý Gé afhverju í ands... ætti ég að kaupa þetta?

MSFT er upp um 65 punkta í "after hours trading" á NASDAQ, lokaði á 30,45 (65 punkta niður yfir daginn þannig að markaðurinn var ekki að trúa á þá) en eru að fara á um 31 núna. Sjá hér

Svo eiga þeir Vista, Office 2007, SQL Server og ég veit ekki hvað og hvað upp í erminni... 

Sagði ég SNILLINGAR?

(endilega takt þú þátt í könnuninni minni hérna til hliðar, takk)

Methagnaður hjá Microsoft

Rassaskellir og svipuhögg gegn fíkn - ætli Gummi hafi vitað af þessu?

"Whipping therapy cures depression and suicide crises"

Svo hljóðar fyrirsögn úr ekki ómerkara riti en PRAVDA. Greinin er tæplega tveggja ára gömul og í henni er sagt frá niðurstöðu rannsóknar sem bar heitið “Methods of painful impact to treat addictive behavior.”

Grípum niður í greinina:

"Russian scientists recommend the following course of the whipping therapy: 30 sessions of 60 whips on the buttocks in every procedure."

... og litlu síðar: 

”The whipping therapy becomes much more efficient when a patients receives the punishment from a person of the opposite sex. The effect is astounding: the patient starts seeing only bright colors in the surrounding world, the heartache disappears, although it will take a certain time for the buttocks to heal, of course,” Sergei Speransky told the Izvestia newspaper.

... og svo hljóðar niður lagið:

"The revolutionary method may take the Russian healthcare to a whole new level. The method is cheap and highly efficient, as its authors assure. Why not using something more efficient, a rack, for example?"

Ætli Guðmundur hafi ekki bara verið að þróa aðferðir sínar á sjálfum sér, rétt eins og sá rússneski, sbr. þetta:

"The doctor became one of the authors of the shocking whipping therapy. The professor used the self-flagellation method to cure his own depression; he also recovered from two heart attacks with the help of physical tortures too."

Hvar grefur maður þessa vitleysu eiginlega upp?

Greinin í PRAVDA er hér. 

"It Bothers Me That I Have To Go." Ljúfsár færsla 93 ára bloggara.

Ég rakst á bogg Donalds Crowdis, 93 ára Kanadamans sem er að hans eigin sögn þriðji elsti bloggari í heimi á eftir sænsknum Allan Lööf, sem er 94 ára og Ray White, bandaríkjamanni sem er einhverjum mánuðum eldri en Donald. 

Donald kallar blogg sitt "Don to Earth", skrif hans eru hreint leiftrandi skemmtileg og ákaflega fróðleg - holl lesning fyrir þá sem eru honum yngri :-)

Fyrir tveimur dögum setti hann inn færslu sem er ákaflega ljúfsár og mér fannst að ég yrði að miðla þessu áfram.

Ætli blogg verði til eftir 49 ár? Verð ég enn að? En þú? 

Billý Gé afhverju í ands... ætti ég að kaupa þetta?

Microsoft mun í næstu viku hefja sölu til einstaklinga á Windows Vista, sem er hið besta mál. Þar á bæ ætla menn að vanda sig gríðarlega við markaðssetninguna á þessari vöru sem svo lengi hefur verið beðið eftir. Í þeim takti hefur frumsýningar partýið, sem verður í New York, verið "hannað" - þetta á að vera veisla sem munað verður eftir.

Markaðsfólk Microsoft er svo sannarlega á fullu - ekki bara þar heldur út um allar trissur. Sumt sem þau eru að gera er verulega smart. Einna flottasta giggið hjá þeim finnst mér smitmarkaðsleikur (dæmi um slíkan leik á Netinu hér heima er Heinekenleikurinn) sem þau eru búin að keyra frá því í desember fyrir lokaðan hóp en okkur öll hin frá því 8. janúar. Þessi leikur mun ná hámarki í næstu viku og ætla ég að segja ykkur frá "Hverfipunktsleiknum" á næstu dögum - þetta er alvöru dæmi.

Það er sumsé búið að vera gríðarlegt álag á markaðsfólki Microsoft undanfarinn misseri. Eftirvænting og spenna er í hæstu hæðum - taugar þandar til hins ítrasta, ekkert má útaf bregða.

Adrenalínið flæðir og fólk er á háu nótunum.

Það er við slíkar aðstæður sem fólk fær svona hugmyndir; "... búum til afbrigði af vörunni með undirskrift frá Bill Gates, við köllum svo vöruna, náttúrulega: Microsoft Windows Vista Ultimate Limited Numbered Signature Edition" - VÁ og úbbs, eða eiginlega bara æi!

Pakkan er hægt að panta á Amazon á USD259.

Hver sá sem er svag fyrir þessari hugmynd hlýtur að vera algjörlega að missa sig í Microsoft Vista áhuga. Ef þú lesandi góður finnur hjá þér löngun í að kaupa þessa vöru, hvers nafn er ekki hægt að nefna, vil ég gefa þér góð ráð - leitaðu aðstoðar

Í dag, helst. 

ES. Þetta er ekki einu sinni "alvöru" undirskrift heldur bara prentuð eftirmynd - c'mon.

22% Windows stýrikerfa illa fengin

Apple á Íslandi til varnar

Þegar ég las þessa sömu frétt á útlendum vef snemma í morgun datt mér strax í hug að nú fengu þeir hjá Apple IMC að kenna á því - að dómur götunar, með dyggri hjálp Mbl., yrði sá að Apple búðin væri argasta okurbúlla. Í gær gagnrýndi ég frétt í Fréttablaðinu sem fjallaði um vöruverð og finnst eðlilegt að fylgja því eftir hér.

Mbl. fer, eðlilega, strax í það að setja Ísland inn á listann. Niðurstaðan er að iPod er næst dýrastur í heiminum hér á landi. Þetta er allt satt og rétt en mér finnst að Mbl. hefði átt að halda því til haga að ekki er við Apple IMC að sakast heldur fyrst og fremst íslensk stjórnvöld.

iPod ber 7,5% toll og 45% vörugjald, mér er til efs að jafn há gjöld séu lögð á þessi tæki í öðrum löndum - í það minnsta í engum löndum sem við berum lífsgæði okkur saman við.Reyndar er mér ekki kunnugt um nokkurt land (nema hugsanlega í Noregi) sem leggur eitthvað á svona vörur. Eins er vaskurinn á Íslandi hærri en víðast hvar og talandi um VSK þá er líklegt að verð í mörgum löndum (t.d. Kanada og Bandaríkjunum) sé án söluskatts.

Dæmi um útreikning á verði:
(Innkaupsverð + flutningsgöld) * tollur * vorugjöld * álagning * VSK.  Ef þessi iPod kostar $115 frá Apple Inc, til Apple IMC þá leggst dæmið út svona: (115USD * 70 + 750) * 1,075 * 1,45 * 1,23 * 1,245. Niðurstaðan er að 115USD enda í circa 21.000 krónum.
(Ath. Ég er að gefa mér innkaupsverðið, flutningsgjöld og álagningu)

Ef tolli og vörugjaldi væri sleppt í samanburðinum þá stæði verðið í USD193 og ef við tökum vaskinn út úr jöfnunni þá væri verðið í USD155 sem setti Ísland í 4. til 5. sæti listans - réttu megin frá í stað þess að vera nr. 2 hinum megin frá!

Það er svo rétt að ekkert af þessu breytir því að iPod er dýrastur í heimi á Íslandi (eða næstum því) það er bara ekki við Apple né Apple IMC (Öflun) að sakast, heldur gjörsamlega úreltu tollakerfi þar sem neyslustýring er grunnhugtak. Árið er 2007 eftir Krist.

Hérna er listinn í heild sinni ásamt umfjöllun (ath. þeim hjá CommSec yfirsést að fjalla um tolla, minnsta aðeins á flutningskostnað - þeim skortir greinilega hugmyndaflug til þess, eðlilega):

Overall analysis

CommSec iPod nano index

2 gigabytes, US dollars

            January 2007

Brazil                $327.71

India                 $222.27

Sweden            $213.03

Denmark           $208.25

Belgium            $205.81

France              $205.80

Finland              $205.80

Ireland               $205.79

UK                    $195.04

Austria              $192.86

Netherlands       $192.86

Spain                $192.86

Italy                  $192.86

Germany           $192.46

China                $179.84

Korea                $176.17

Switzerland       $175.59

NZ                    $172.53

Australia           $172.36

Taiwan              $164.88

Singapore          $161.25

Mexico              $154.46

US                    $149.00

Japan                $147.63

Hong Kong        $147.63

Canada             $144.20

Source: CommSec, Apple

 

 

iPod-vísitala í stað Big Mac